Kveðja frá SIR til þín

Happy no ear!

Yup...it´s still funny :)

áramót

Förum til Perlu systir á eftir. Það verður borðað kl 20 og svo taka rútín áramótavenjur við. Konfektát, sjónvarpsgláp, flugeldaskyta og slíkt.

Ég man einu sinni þegar ég var lítill þá fannst mér ógurlega sniðugt að fara á klósettið rétt fyrir miðnætti og vera fram á næsta ár.

Gerði það samt bara einu sinni. Fáum fannst það jafn fyndið og mér.

En það sem var að öllu jöfnu vaninn hjá okkur var að horfa á árið hverfa í sjónvarpinu.

Maður horfði á það klökkur alltaf

Núna er maður pollrólegur yfir þessu og fær sér bara meira konfekt

Blús

Er með svo bólginn háls að það er erfitt að tala.

Heimurinn getur andað léttar

Fær smá frið

Beta er að dæla í mig allskonar töfradrykkjum. Ég reyni að fylgjast með því hvað fer í drykkina en hún leynir mig helmingnum.

Eitthvað rótardót, ginseng, dongseng, flimmseng. Whatever

Spurning um að taka upp rólegt blúslag. Ekta rödd í það.

Yatsí er stórhættulegt

Ég og Beta fórum í Yatsí í gær

Needless to say þá rústaði ég henni með 2 stigum

233-231

Lykillinn er að einbeita sér fyrst að combo röðunum, eins og litla og stóra röð, 4 eins og slíkt. Láta hitt mæta afgangi.

Beta grátbað mig svo um að koma í annan leik

Ég vildi það ekki en sá að hún var á barmi þess að vera niðurbrotin þannig að ég lét til leiðast með hálfum hug

Sá leikur féll um sjálft sig þegar gerð voru tæknileg mistök

En friðurinn hélst

Sem var mikilvægast

Plan?

Við erum að tala um að árið 2012 sé á næsta leyti

Á hvað ætti maður að stefna?

Spila golf?
Gefa út plötu?
Unga út öðru barni?
Taka af sér bumbuna?
Bæta á sig?
Flytja?
Allt að ofan?
Ekkert?

hmmmmmmmmmm spurning

Einfaldur

Ég er maður með mjög einfaldan smekk. Ég vel aðeins svartar Jack&Jones gallabuxur.

Og þá meina ég bókstaflega!

Keypti einar slíkar fyrir einhverjum mánuðum og líkar svo vel við að ég fór aftur í dag og keypti tvær í viðbót. Alveg eins.

Jú, fjölbreytni væri næs.....en hver vill vera næs nú á dögum?

Ég vil bara vera myrkur töffari

Mjög einfalt. Fyrir einfaldan mann með einfaldan smekk

Mætti samt halda að ég væri tvöfaldur ef litið er á mig sirka miðjan, á hlið.

It stands to scrape the plane

Þetta gerði svoldið daginn fyrir mér. Þetta hékk uppi í stigaganginum hjá tengdó. 

Kaldar kinnar

Við erum að tala um géðveikt stuð úti

Snjóþotur með bremsu
Snjókast
Snjóhús
Snjóenglar
Henda Sebas upp í loftið og hann lendir í púðursnjó
Henda snjóbolta í andlitið á Sebas
Sebas fer að gráta
Sebas fær að henda snjóbolta í andlitið á mér
Sebas tekur gleði sína á ný
Fara inn og bursta af okkur í andyrinu
Allt út í snjó
Beta ósátt og neyðir okkur að taka snjóinn upp
Föt á ofn
Kaldar kinnar, puttar og rass(í mínu tilfelli)
Heitur grjónagrautur beið okkar við innkomu
Gleði

Snjór

ooo men....þetta verður ekki meira kósí. Ég og Sebas ætlum sko að drífa okkur út í snjógalla allir dúðaðir til helvítis og fara á snjóþotu.

Er búinn að bíða eftir svona alveg frá því að ég flutti að norðan.

Maður var vanur svona þar þegar maður var lítill

Bless

Epic Fail

Eins og fram hefur komið þá gaf ég Betu tvær jólagjafir og hún ætlaði að skila þeim báðum.

Ok. Ekkert mál.

Eftir áfallið að heyra það og loks sáttarferlið við skilin þá kom annað áfall.

Í fyrsta lagi þá mundi ég ekki í hvaða verslun ég keypti stöffið svo ég þurfti að lýsa því fyrir henni á korti hvar búðin væri.

Í öðru lagi, og kannski það versta, var að þegar Beta loks fann búðina. Kemur á daginn að þetta var búð fyrir konur í yfirstærð!

HVERNIG Í ANDSKOTANUM ÁTTI ÉG AÐ FATTA ÞAÐ!!!!!

Ég sá bara eitthvað glingur á gínu og fór inn og keypti það.

Nei, nei, þá er þetta fatabúð þar sem minnsta stærðin er 14 en Beta notar 8-10

Svo er glingrið sem ég fann þarna inni bara af mjög skornum skammti og nánast ekkert annað til sem er smekklegt

OG ÞETTA VAR BARA FYRRI GJÖFIN

Seinni gjöfin var ilmvatn.

KEYPT Í APÓTEKI!

Þið vitið hvað það þýðir..........Hún á eftir að fá inneignarnótu og taka svo vörur smátt og smátt út eins og panódíl, tannþráð eða plástra

Jei, góðar jólagjafir

IDIOT

Talandi um Epic Fail