Undirbúningur

Dagurinn í dag hefur farið í undirbúning fyrir ferðina á morgun. Ég fór í morgun með bílinn á verkstæði og lét kíkja á hann, það var fyllt á þetta og hitt. Herlegheitin kostuðu mig heilar 5 evrur, ekki dýrt það.

Ég tók einn hring með Gabriel í millitíðinni. Við fórum á Calanova sem er hérna rétt hjá okkur. Það er frábær völlur með frábærum grínum, svo er hann ódýr þar sem hann er frekar nýr. Við þekkjum pró-inn sem vinnur þarna, hann Monty. Þetta er gæji sem hefur spilað 4-5 sinnum með Tiger Woods og var 3 ár á pga túrnum ásamt einhverjum öðrum túrum. Hann veiktist eitthvað og varð að kúpla sig út og er núna bara að chilla sem pró á Calanova.

Er að horfa á Man-Che í meistarad. og held ég með Chealse þar sem ég vill ekki að man jú nálgist liverpool í verðlaunum. Samt á einn bóginn væri fínt ef man jú vinni því þá færi Ferguson loksins og man jú gæti kannski farið í lægð og þyrfti að byggja upp.

Jæja, seinni hálfleikur er byrjaður,

Við erum að fara norður og það verður ekkert blogg þangað til á mánudagskvöld.

Lifið heil.

sammála og ó

Einhvern vegin finnst mér erfitt að ímynda mér að hægt sé að segja svona með fullri vissu. En Ísland er vissulega friðsælt land miðað við önnur. Spánn ætti hins vegar að vera mun neðar á listanum því í þessu blessaða landi ganga ávallt yfir hrinur af hriðjuverkum sem ETA stendur fyrir. Í augnablikinu gengur eins slík yfir og nýjar sprengju fréttir berast inn á heimilið með reglulegu millibili.

Til allra lukku erum við stödd fyrir sunnan en sprengurnar eru flestar fyrir norðan.

Ísland friðsælast

NEF

Hafiði pælt í því að engin virðist vera ánægður með nefið á sér. Það er ýmist of stórt,lítið eða skakkt.

Ég er með kenningu.

Það er útaf neikvæðri tengingu sem flestir bendla við nefið. Þarna er hor, hár og annað miður fallegt. Maður snýtir sér og sígur upp og ef ekki er að gáð þá rennur stundum úr því vökvi. Svo er þessu líka skellt í miðjuna á andlitið á þér þannig að oftast er nefið það fyrsta sem fólk tekur eftir. Það er rétt fyrir ofan munnin og rétt fyrir neðan augun, þeir tveir staðir sem fólk einblínir á þegar þú talar við það.

Ekki það að ég sé með eitthvað nef komplex en á unglinsárunum hefði verið betra að hafa nefið einhvers staðar annars staðar en í miðjunni á andlitinu þínu.

Worst case scenario

Sennilega það neyðarlegasta sem ég hef lent í er hið fræga atvinnuviðtal árið 2000.

Það var þannig að ég var staðsettur á Spáni og í leit að atvinnu. Þar sem maður var nú ungur, óreyndur og hafði lítið til að láta á ferilskránna á þeim tímapunkti, fannst mér alveg tilvalið að ýkja þá fáu hæfileika sem ég bjó yfir.

Ég kom af tungumálabraut MA og ýkti því tungumálakunnáttu mína í öfgar og sagðist vera vel talandi á skandinavísku tungumálunum, þýsku og frönsku. Einnig reiprennandi í ensku og spænsku. Staðreyndin var reyndar þannig að ég hafði lært ofangreind tungumál en hafði einungis grunnkunnáttu í málfræði í dönsku,þýsku og frönsku. Ensku og spænsku var ég með í vasanum en samt ekki eins vel og ég hélt.

Ég fékk símtal frá Helle Hansen bílaleigufyrirtæki staðsett við flugvöll Málaga. Ég mætti í viðtalið fullur sjálftrausts og var vísað strax inn til forstjórans. Viðtalið byrjaði á spænsku sem var ekkert sérstaklega auðvelt fyrir mig þá. Ég hafði talað tungumálið í 3-4 mánuði og alls ekki nógu vel til að fara í atvinnuviðtal þar sem notuð eru sérhæfðari orð en ella.

Forstjórinn var frekar þurr á manninn og spurði fljótt um ensku kunnáttu mína og þóttist ég nú vera talandi sem innfæddur á þeirri tungu, enda fékk strákurinn 10 í samræmdu á sínum tíma, hehe. Við skiptum yfir á ensku og það kom fljótt í ljós að mín skólabókarenska var frekar þunn og náði ekki að heilla einn né neinn, sérstaklega í ljósi þess að það kom á daginn að forstjórinn var enskur. doh.

Á þessum tímapunkti hafði maðurinn séð unga strákinn sem sat sér á móti klúðra þeim tveim tungumálum sem hann sagðist reiprennandi í. Ég get aðeins ímyndað mér hvernig að hann hugsaði með sér hvernig í ósköpunum hin þrjú tungumálin kæmu eiginlega út.

Hann sagði mér sposkur að hinkra aðeins og fór út af skrifstofu sinni skyndilega. Ég andaði léttar og þerraði svitan af enninu og restinni af líkamanum. Þegar forstjórinn snéri aftur inn á skrifstofuna var maður með honum í för. Þeir settust niður og forstjórinn kynnti til leiks undirmann sinn að nafni Jörgen. Hann var þýskur. Hann var þarna inni til að tala við mig á þýsku og kanna kunnáttu mína á hans móðurmáli. SARGASTI.

Hann byrjaði mjög einfalt og spurði mig eitthvað um Schjúlenn. Ok, ég skildi það sem þannig að hann vildi vita hvar ég gékk í skóla og lærði þýsku. Ég mumblaði eitthvað um Schola Akureyrensis og deutsche GE lernen. Ég snéri fljótt í enskuna og afsakaði hve ryðgaður ég væri.

Ég man ekki alveg hvernig þetta hélt áfram eftir þetta, þetta er allt í móðu frá þeim tímapunkti. En niðurstaðan var sú að ég ætlaði að snúa mér aftur að skólabókunum og læra þessi tungumál aðeins betur áður en hefði samband við fyrirtækið aftur.

En þótt mikil móða hvílir yfir restinni af viðtalinu þá er mér þó ógleymanlegt hvernig ég yfirgaf skrifstofuna. Ég stóð upp og kvaddi Jörgen og forstjórann með þvölu handarbaki og dreif mig að hurðinni. Ég vildi nánast hlaupa þaðan út og var því í frekar hröðum skrefum þegar ég opnaði hurðina. Það vildi ekki betur til en svo að hurðin sem ég opnaði var skápur og ég var kominn hálfur inn þegar ég fattaði að þaðan kæmist ég ekki langt út úr skrifstofunni. Ég snéri því fljótt við og án þess að líta upp til að horfa í andlit þeirra beggja, sem voru örugglega við það að rifna úr hlátri, rikkti ég í hina hurðina sem var þarna við hliðiná og var fegin að sjá fullt af fólki og útidyrahurðina.

Þetta var mitt fyrsta og eina atvinnuviðtal á Spáni.

Asía

Tók fyrri part dags frá fyrir fjölskylduna og fór ekki út fyrr en kl 15. Tók þá þrjá 9 holu hringi á Asíu sem var stuð. Þegar ég tók fram úr einni af milljón grúppunum sem ég tók fram úr í dag sagði einn kaninn við mig, god bless you, sem vakti furðu mína.

Bjarni Bjarna á afmæli í dag. Til hamingju með það.

moli er kenndur er við fróðleik

Þegar keyrt er inná bensínstöð og bílnum skal lagt við dæluna þá hugsar margur sig tvisvar um hvoru megin á bílnum bensínlokið er staðsett.

Álíka vandamál og hugarenningar hafa skapað óteljandi erfiðleika og verið fóstur alls ílls í hinu nútíma samfélgi.

Það sem margir þó átta sig ekki á er að auðvelt er að líta á mælaborðið og kíkja á litla bensíntanks merkið sem blasir við manni þarna við hliðiná bensínmælinum og sjá hvoru megin bensín byssan er á tanknum. Sé hún hægra megin, þá er bensínlokið hægra megin á bíl viðkomandi. Sé hún vinstra megin, þá er bensínlokið vinstra megin á bíl viðkomandi.

Þannig má koma í veg fyrir ófyrirsjáanleg vandræði og hugsanlegar styrjaldir í gerjun hins vestræna heims.

lestu þetta nú aftur en með rödd Jón Gnarrs í huganum.

11. sæti

Það var Hellu-vindur sem beið mín á Alcaidesa þegar ég steig út úr bílnum í morgun. Ég endaði á +8 í dag þar sem upphafshöggin og járnahöggin voru flott en stutta spilið ekki alveg að smella. Það sem var erfitt í vindinum voru ekki upphafshöggin heldur innáhöggin og púttin. Það var erfitt að lenda boltanum nálægt pinnunum og átti maður oftar en ekki löng pútt eftir sem voru erfið sökum vindhviðu og hraða grínanna.

Ég endaði í 11.sæti á þessu stigamóti golfsambands Andalúsíu. Gabriel endaði í 9.sæti. Ég er nokkuð sáttur við mótið í heild sinni, það er margt sem ég lærði þarna á þessum útkjálka Evrópu.

Ég var frekar stressaður í fyrsta höggi dagsins og púllaði boltan til vinstri og át of bánds. Ætli ég hafi ekki átt það skilið, ég skuldaði þessu OB einn bolta. Tók því annað upphafshögg, soldið svekktur og nelgdi tuðrunni 70 metra frá gríni á par 4 braut sem er mæld 417 metrar, you do the math. Það var, eins og ég sagði, Hellu vindur, sem hjálpaði aðeins.

En það var fínt að loka mótinu með fugli á síðustu holu dagsins eins og í gær.

Skorið var, eins og gefur að skilja verra í dag en í gær og mótið vannst á +2. Strákurinn sem ég spilaði með í dag lenti í 5.sæti og var samtals á +7. Gabriel var á +11 og var í 9.sæti og ég á +13 í 11.sæti.

Í dag var ég með 77% brauta versus í gær aðeins 46%. 55% GIR í dag versus 50% í gær. EN, 35 pútt í dag versus 30 í gær.

Þá er bara eitt eftir áður en ég kem til Íslands, það er að fara norður í brúðkaup og spila Zarapicos völlin í Salamanca, ég hef spilað hann tvisvar áður og þarf að hefna mín soldið á honum.

Sæti

Fékk að vita að ég fer út á morgun kl 10:30 og er í 10.sæti eins og staðan er núna. Besta skor dagsins var par vallar. Greinilegt að spánverjinn höndlar vindinn ekkert sérstaklega vel.

btw. þetta mót er sem sagt stigamót á vegum golfsambands Andalúsíu.

Markmið

Þess má geta að ég setti mér markmið uppá +5 og +5. Samtals +10.

Það er búið að gefa út viðvörun á Gibraltar vegna vinda sem eiga að verða uppá 53 km/h á morgun. Sennilega sleppum við við rigningu en sjáum samt til.

Ég held að +5 á morgun verði mjög gott skor.

1.hringur +5

Það var stressaður iceman á 1.teig kl 10 í morgun á Alcaidesa. Ég reyndi að létta lundina með því að humma smá lagbút en allt kom fyrir ekki. Teighöggið púllaðist til vinstri og fór næstum OB, heppinn. 2.höggið var aðeins minna stress en samt til staðar. Aftur púll til vinstri næstum því OB, heppinn. Endaði holuna á skolla. Stressið var farið á 2.teig en kom aftur í par púttinu sem ég klikkaði á og fór næstu holu einnig á skolla.

2 yfir eftir tvær. Á þriðja teig var ekkert stress lengur í líkamanum og ég púttaði fyrir erni en fékk fugl á þriðju. Endaði fyrri 9 á +3 sem er ekki ásættanlegt.

Á þessum tímapunkti var komið mikið rok og maður farinn að spila samkvæmt því. Á 10 og 11. holu komu klaufa skollar en ég setti niður 15 metra fuglapútt á 13.

15 er með mótvind til hægri. Það kom smá hægri spinn á boltann og hann slæsaðist í vatnstorfæru. Víti og tvöfaldur skolli raunveruleiki.

Ég endaði svo hringinn á að setja 20 metra pútt í fyrir fugli á 18 og ágætlega sáttur við fyrsta mótsdaginn sem gildir til forgjafar.

+5 með 6 hittar brautir(hræðilegt), 9 hitt grín(ætti að vera 2-4 betra) og 30 pútt sem er Ok.

Gabriel endaði á +3 og strákurinn frá Granada sem spilaði með okkur endaði á +15. Hollunum var raðað upp eftir forgjöf þannig að við erum allir svipaðir að getu.

Ég fæ +3 í forgjöf þarna þannig að ég var 1 höggi frá gráa svæðinu. Á Íslandi myndi þetta verða leiðrétt útaf veðurskilyrðum samkvæmt nýju reglunum. Á mótum sem skilyrðin eru slæm eins og mikill vindur t.d. þá er skalað upp um 1-3 högg. Veit ekki hvort það er gert hérna, vona það þá ætti maður að vera safe á forgjöfinni.

ps. lagið sem ég hummaði allan hringinn er eftirfarandi:

Now some men like a fishin', but some men like the fowlin'
Some men like to hear, to hear the cannonball a-roarin'
But me, I like sleepin', `specially in my Molly's chamber
But here I am in prison, here I am with a ball and chain, yeah
Musha rain dum-a-doo dum-a-da, ha, ya
Whack for my daddy-o
Whack for my daddy-o
There's whiskey in the jar-o

Metallica að flytja lagið Whiskey in the Jar eftir Thin Lizzy

Takk fyrir