BLITZ!!!

Horfðum á How I met your mother áðan. Tíunda þátt. Hann var sýndur í gær útí USA. Hann var með þeim betri.

Þarna koma fram allavega tvö legendary atvik sem fólk á eftir að nota eins og sjötta orðið í þessari setningu.

Blitz! og Gentleman.

Tékkit.

Facebook

Sáum Social network sem er um Facebook dæmið. Hún er góð. Ekki mynd sem maður fer á í bíó samt enda niðurhlóð ég henni og horfði á heima eins og duglegur strákur. Áhugaverð mynd. Mark Zökkenbörger er idiot, napster gæjinn er slísbeg og þessi frá Brasilíu er góður. Spoiler alert. Vúps, aðeins of seint.

eitthvað er í uppsiglingu

Mannkynið er í hættu. Mikil yfirvofandi ógn steðjar að. Engin veit af þessu nema ég og Wired.

Þið hafið öll heyrt af myndinni ,,Aulinn ég". Þar er vondi kallinn aðalhlutverkið og á endanum verður hann góður. Núna er að koma önnur teiknimynd sem heitir Megamind eða eitthvað álíka. Hún fjallar um íllmenni sem ákveður að verða hetja.

Sjáiði mynstrið!

Hvað gerði djöfullinn? Hans besta trix var að sannfæra mannkynið um að hann væri ekki til!

Þetta er sama trixið.

Íllmennin eru greinilega komin með ítök í Hollywood og eru núna með áróður í myndum um að allir íllir eru, eða verða í lokin, góðir.

Niðurstaðan: Vondu kallarnir vilja að við höldum að engir vondukallar séu til.

Íllmenni heimsins eru að plana eitthvað rosalegt!!!

Sebas er ekki hér

Sebas er í tilvistarkreppu. Við vorum að tala um löndin þar sem ég sagði honum að við værum á Íslandi. Hann hélt ekki.

Ég reyndi þá aðeins að útskýra að jú vissulega væri ég á Íslandi. Beta væri líka á Íslandi og Sebas því líka.

,,uuuu NEI! Ekki ég" sagði Sebas.

,,Nú! Hvar ertu þá?"

,,ég er í Mexíkó"

Ég hélt ég yrði ekki eldri.

Sama hvað ég reyndi að rökræða þetta við hann. Hann var ekki á Íslandi þrátt fyrir að standa við hliðina á mér. Ég gafst upp í bili því hann varð bara reiður við að verja staðsetningu sína.

Vonandi nýtur hann bara góða veðursins í Mexíkó á meðan hann getur.

Versta mynd, versti leikari, versta allt EVER!

Tékkið á fleiri klippum með þessum gæja. Myndin er the room og hann heitir Tommy Wiseau 

gamall í hettunni

Við erum á leiðinni í þriggja ára afmæli hjá Guðrúnu Rós frænku Sebas. Sebas neitar því að vera þriggja ára. Hann er ekki einu sinni þriggja og hálfs(sem hann er). Hann er BARA hálfs, að eigin sögn.

Ég reyndi að tala hann til en hann vildi ekki heyra það. Hann er bara hálfs árs. Ég kynnti þá fyrir honum gullinn meðalveg og bauð honum að vera fimmtíu og sex ára.

Hann samþykkti það.

við erum því á leiðinni í afmælið, ég, Beta og fimmtíu og sex ára gutti í spiderman bol.

glaður

see more Gifs

Ný könnun

Uppáhalds íslenska jólalagið?

Mitt er Svona eru jólin með Bó&Eyfa.
Líka;
Hátíðarskap
Jólin eru að koma
Fyrir Jól

Svo eru önnur eins og nei, nei ekki um jólin, jólasveinn taktu í húfuna á þér og fullt í viðbót í raun. Nennti ekki að láta þau öll.

Nammi

Beta og ég fórum að rölta á laugaveginum í dag. Snilldar dagur. Ekkert kalt.

Við fílum búðir eins og Dogma, Mál og menningu, kisan, Ranimosk, einhver málverkabúð rétt hjá Hereford og svo fór Beta ein inn í Kokku og jólabúðina(meika það ekki).

Svo fórum við inn í Vínberið sem er nammibúð. Allskonar exotic nammi, súkkulaði og what have you. Paradís fyrir nammigrísinn. Lítið nammi, stórt nammi, Anton Berg-ish nammi you name it!

Allt þetta úrval af allskonar gourmet nammi og ég labba út með kókómjólk og chunky Kit Kat.

Ég er mainstream þegar kemur að nammi.

Besti afi og besta amma í geimi

Við skutluðum Sebas upp í sumarbústað þar sem mamma og pabbi eru með barnabörnunum sínum. Þau gera þetta einu sinni á ári. Fara í ratleiki, sulla í pottinum, föndra, vera lengi úti á kvöldin og horfa á stjörnurnar. Rosa stuð fyrir krakkana.

Þau eru þarna alla helgina en Sebas er yngstur og ég vildi bara láta hann í eina nótt. Alltaf erfiðara að vera með svona lítil börn. Aðeins að létta á þeim gömlu. Sem annars standa sig sem hetjur sem afi og amma.

Þetta er í fyrsta sinn sem Sebas fær að fara með.

Núna eru 7 krakkar. Ekki þessi allra elstu og yngstu.