Ný könnun

Finnst þér rétt að trúfélag geti komið í leikskóla og skóla og boðað trú sína?

Mér nefnilega ofbýður þegar ég heyri að prestar mæti í leikskóla og slái um sig. Mér finnst ekki í lagi að hafa svona áhrif á börnin. Og líka á svona óréttlátan hátt. Því ekki sé ég fyrir mér að vantrú myndi fá aðgöngu að börnum. Nei, bara þjóðkirkjan.

Mér finnst að það ætti að sjálfsögðu að kenna trúarfræði í skólum en þá bara söguna. Bara kynning á hverju fyrir sig. Alveg eins og landafræði eða eitthvað álíka.

Þeir sem trúa og vilja að börnin sín fái þannig uppeldi geta náttúrulega bara stofnað þannig skóla. Málið dautt.

allavega....kjósið

listin að slow clappa

Við vorum við matarborðið og ég framkvæmdi múv sem verður ekki endurtekið næstu hundruði ára. Þetta er ekki sagan af því. Þetta er sagan af því sem gerðist næst.

Þar sem ég leit stoltur yfir borðið eftir múvið heyrði ég mér á hægri hönd, klapp. Svo annað klapp. Tíðni klappa jókst svo hægt og bítandi og áður en ég vissi af var Beta búin að slow clappa mig. Og ekki nóg með það þá tók hún líka standing ovation í kjölfarið.

Síðar um kvöldið fór ég að hugsa ,,af hverju slow clappar maður ekki oftar".

Ég ætla að gera það að reglu að slow clappa sem flesta við öll hugsanleg tækifæri. 

umkringdur

Ég er að labba.....BEM! björgunarsveitarmaður búinn að króa mig af.

Ég labba aðeins meira....BEM! björgunarsveitarmaður búinn að króa mig af.

Hvað ætli þeir séu búnir að spurja mig oft hvort ég vilji kaupa eitthvað stöff!

Virðingavert framtak hjá þeim en þeir eru nánast of margir.

Ég passa mig samt alltaf á að brosa.

Púll

Til hamingju Liverpool með að standa sig vel í fótbolta. Maður nennir kannski að fara horfa á leiki aftur með þeim.

Gaman að sjá Torres endurheimta formið. 44 mörk í 47 heimaleikjum hjá Torres, ekki slæmt.

Stjörnurnar eru að stíga upp. Fyrst Captain Fantastic um daginn, svo núna Torres. Þeir spýta smá sjálfstrausti í liðið vonandi.

Þetta virðist vera að snúast við. Við erum sennilega búnir að snerta botninn og erum að spyrna okkur upp. Ekki ólíkt íslenska efnahaginum.

draumur um krydd

Mig dreymdi geimverur, Andreu Jóns á rás 2 og gítar effekta!

Geimverurnar voru spúkí. Þær litu út eins og við en töluðu ekki og brostu bara geðveikislega.

Svo vakti Beta mig er hún gekk inn í herbergið með rúllur í hárinu og sagði ,,hey, lít ég ekki út eins og alien?"

Súrrealískt móment.

Við borðuðum kjúklíng í karrí. Karríkryddið hennar Betu fæst ekki lengur og hún var ekki kát með þetta nýja krydd. Hún setti í raun nýjan standard í reiði er hún sagði ,,ég er svo reið að ég held ég fari og stofni þráð á barnalandi um þetta".

Ég bara ,,VÓ! sú er reið".

Fagmaður

hippar með ukalele hræða mig

Fórum á dansnámskeið í Kramhúsinu með Sebastian. VÁ! hvað það var leiðinlegt. Hippinn sem stjórnaði því var að fara yfir um. Hún elskaði að hlusta á sjálfa sig syngja á falsettunni með ukalele.

Ég og Beta bara litum á hvort annað og áttum erfitt með okkur. Við létum okkur hafa það fyrir Sebas. Sem reyndar var ekkert mikið að fíla þetta. Ég held að hann hafi líka verið að hugsa ,,hvurn djöfullinn er ég að gera hér".

ég elska þennan gæja!

Rokk

Mér finnst ég aldrei eins töff og þegar ég er að spila eins og brjálæðingur á gítarinn og það slitnar strengur.

Það gerðist núna fyrir tveim dögum.

Í kjölfarið skipti ég um alla strengina og men ó men hve mikið betur Behringerinn hljómar.

skammtafræði

Hvað er málið með skammtastærðir veitingastaða!

Alltaf þegar ég og Beta snæðum úti tökum við dobbybag með okkur heim.

Á einn bóginn er ég ánægður því þetta eru í raun ekki bara tvær máltíðir heldur sirka 3-4. Spara.is
En á hinn bóginn þá hef ég áhyggjur af því hvert íslenskt samfélag stefnir. Erum við á leiðinni út í kanan sem er með gígantískar stærðir á öllu og fitnar bara og fitnar?

vonandi ekki.