rónar

Fórum niðrí miðbæ og fengum okkur bæjarins bestu í hádegismat. Ummmm friggin ummm. OMG hvað þetta eru úber pulsur.

Það var ekkert nema túristar og rónar í bænum. Mjög lame.

Tók sérstaklega eftir fjölda dana. Hef aldrei heyrt jafn mikið hrognamál í bænum.

Þurftum aðeins meira eftir BB því ein á mann var ekki nóg. Fórum því í sjoppuna á laugarveginum. Keyptum okkur langloku sem var mygluð. Fengum peninginn til baka og fría pulsu. Hún var étin án mikillar löngunar.

Röltum alveg heilan helling og fengum okkur ís í eftirrétt.

Sebastian var mjög skemmtilegur og fór á kostum á köflum. Gellur kiknuðu í hnjánum og menn sýndu sinn innri mann. Hann heilsaði öllum.

Svo á leiðinni í bílinn datt hann. Hann setti upp skeifu en þar sem ég segi honum ávallt bara að standa upp og ekkert væl þá tók hann það aðeins of bókstaflega í þetta sinnið.

Minn með skeifu og haltur. En samt ákveðinn í að halda áfram og sagði bara "vamos, vamos, no pasa nada" en samt alltaf með skeifu.

Það sem mér fannst svo fyndið var hversu rosalega haltur hann var. Alveg hollywood haltur. Mjög ýktur. Fyrst var ég bara, Vó, einn bara virkilega meiddur. En svo var þetta bara drama.

Ég átti mjög bágt með mig. Einnig fólkið í kringum okkur.

"Vamos papá, vamos, no pasa nada"

Hattur

María var að grennslast fyrir hvað klippistofan mín héti.

"Hrói eitthvað?"

ég var ekki í stuði til að tala þannig að ég yppti bara öxlum.

"hrói hattur"

Ég jánkaði því bara.

Hún gúgglaði því Hrói Hattur tímunum saman.

Ég sá auman á henni og leiðrétti þetta. Hrói Höttur var það gæskan.

Hún gúgglaði því Hrói Höttur tvist og bast en fann ekkert nema pizzur.

Eftir smá tíma opinberaði ég sannleikan.

Rauðhetta og úlfurinn. Ævintýrið við hliðiná. Næsti bær við.

Hún var ekki ánægð.

laugardagur

Spurning um rölt í miðbænum og brauð handa öndum. Ekkert annað í stöðunni. Erum annars bara að horfa á barnaefnið. Sem er ógó skemmtilegt.

María kemur kl 18 þá tek ég smá golf session og svo beint í fiesta með drengjunum. Lágmark að taka eitt kvöld um versló.