Titt-lin-ga-sk-í-tur

tittlíngaskítur. Ég held nú sjálfur með LP og er anti maneuvre maður en ekki finnst mér þetta vera neitt annað en tittlíngaskítur. Skiptir engu máli og ekkert að þessu

Wayne Rooney: 12 í liði (myndband)

Matur

Gerði snilldar matarskema/scheme. Til að hafa á ískápnum. Ég gleymi nefnilega alltaf hvað er próteinríkt og hvað er kolvetnisríkt. Og hve mikið maður á að borða af hvoru. Hefur hingað til flokkast undir ,,couldn´t care less" flokkinn.

gerði þrjá dálka, prótein-kolvetni-grænmeti og listaði milljón hluti undir hvorn flokk. Svo gerði ég áætlun og tilllögur um hvað væri gott á hvaða tímum.

Þetta verður uppá ískápnum hér eftir. Bara spurning hvort maður geti eitthvað farið eftir þessu.

Game Over

María benti mér á að þátturinn með Kalla Berndsen væri að byrja.

Siggi! þátturinn er að byrja!

Hvaða þáttur?

æji þarna.....Make Extreme Over

Coopersville 3000

Tókum fitness tíma á æfingunni í kvöld hjá Gkg. Byrjuðum á armbeygjum, eins margar í röð án þess að hvíla. Metið mitt var 12 en kjeppinn tók 19 stykki. Personal best. Mjög ánægður með það. Vildi ekkert fara ofar því þá hefði ég dottið inn í þyngri flokk sko. Byrjað þá í einhverjum massa reppum. Fell núna bara í sama flokk og ég upphaflega datt í, núna er ég bara við efri mörk í stað neðri marka.

Svo tókum við plankann. Olnbogar og tær snerta gólfið og reyna halda þeirri stöðu eins lengi og maður getur. Danska landsliðið mældist með tímann 12 mín og eitthvað. Kjeppinn tók 1 mín og 10 sek. Ehem, ekkert sérstaklega stoltur af því, en okey, þá er bara svigrúm til bætinga.

Svo var Coopers testið snýtt úr annari nösinni. Hljóp 2390 skv Úlfari en ég fór nú nær 2400 skv köldu mati kjeppans. Það var nú bara slumpað á þetta og kannski skiptir ekki öllu máli. En þessir tíu metrar þýða að í aldurshópi 20-29 þá vantaði 10 metra upp á að ég væri yfir meðallagi. Sætti mig við að vera í average hópnum, það er bara fínt, því þá mun ég pottþétt fara upp um flokk næst. En skv 30-39 ára flokknum(vantar 20 daga uppá að ég falli í þann flokk) þá var ég vel inn í yfir meðallagi hópnum.

Mjög ánægður með hlaupið.

Þetta er ákveðin kúnst. Að fara á réttum hraða það er. Úlli sat og tók tímann á þessum 380mtr hring. Ég fékk fyrst tíman 1,40 svo 3,30, var bara góður á því. Hvað gerist svo. Haldiði ekki að mér sé litið aftur fyrir mig og ég sjái friggin STIGAMEISTARANN koma fyrir aftan mig á þéttingsfastri siglingu. Kvikindið að hringa mig eftir um 5 hringi!

oooog við grípum inní samtalið milli okkar eftir hringinn....

...,,ég saxaði á þig alla hringina jafnt og þétt. Átti bara um 100 mtr eftir í þig þegar bilið hætti skyndilega að minnka!"

Já, það var þegar ég fokkin sá hann koma á siglingu, með höfuðið í bringunni, einbeittur brotavilji gegn Íslandsmeistaranum.

Ég gaf í að sjálfsögðu, BIG mistake. Það var of mikið eftir. Tók hálfan hring á farti en þurfti svo að hægja verulega á sökum ofþreytu. Þá kom STIGAMEISTARINN aðsvífandi, ég reyndi að baða út öllum öngum og sikk sakka brautina til að hindra frammúrhlaup. Allt kom fyrir ekkert. Hann var einbeittur. Menn verða ekki stigameistarar fyrir ekki neitt.

Ég var svo búinn á því O to the M to the G. Heyrði 9.30 hjá Úlla og í móðunni sem ég sveif í fannst mér eins og ég ætti bara 30 sek eftir. Ég gaf enn í. Allt sem ég átti. Fattaði svo að þetta voru friggin 12 mínútur. Hægði aftur á.

Nálgaðist Úlla aftur og hann hvatti mig áfram og sagði 11.30 og ég spretti aftur. Djöfull var ég búinn á því þegar hann kallaði STOPP GKG.

Fínt byrjunartest, svo verður annað test í lok veturs. Að ég hélt. Nei, nei, það verður svona test Í HVERJUM FRIGGIN MÁNUÐI!!!!!!!!

eitt flottasta mark sem ég hef séð. Maradona, Messi og Mads Hansen

Moisture is the essence of wetness, and wetness is the essence of beauty.

see more Lolcats and funny pictures

Bs ritgerðin

Fór í fyrsta sinn á Landsbókasafnið síðan ég var í háskóla. Tékkaði því á BS ritgerðinni minni í leiðinni og renndi yfir þetta meistarastykki. Kom mér á óvart hve þetta var skemmtileg lesning. Þrátt fyrir að vera um EES samninginn sem er vanalega ekkert spes efni.

Hún heitir Úttekt á EES-samningnum og er á annari hæðinni. Las hana nánast alla aftur spjaldana á milli. Hafsjór af fróðleik fyrir alla sem vilja vita um hvað EES-samningurinn er, sögu hans og tengsl við ESB. Möguleika Íslands varðandi allt þetta drasl og what not.

Annað sem kom mér á óvart var að allir sem hafa fengið hana að láni til að lesa eru kvenkyns. Eða, tja, kom mér kannski ekkert á óvart.....BÚJAAAAA

löður

Snitsel Fílei hitað í örbylgju með gulum baunum, löðrandi í majónesi. Og mjólk. Nýmjólk.

Gott veganesti fyrir fitness testið á eftir.

Er toppnum náð?

Alter

3000 orð og núverandi Íslandsmeistarinn og fyrrverandi klúbbmeistari dregur sig í hlé frá skriftum.

spurning um að negla einni djúsí loku í andlitið á sér.

Indriði

Sit hérna á landsbókasafninu í nánast dauðaþögn. Var búinn að gleyma hve kæfandi andrúmsloftið getur verið hérna. Er nett að chilla en samt upptekinn við ákveðið verkefni.

Þar sem enga vinnu er að finna í augnablikinu (nema þessa sem ég fann og hætti í ;þ) hef ég ákveðið að nýta tíman betur og er byrjaður að skrifa skáldsögu.

Þetta er klassískt. Manneskjan getur ekki setið eirðalaus endalaust því er betra að gera eitthvað frekar en ekkert. Það fara allir í þennan pakka við svona aðstæður, sumir föndra, aðrir mála. Ég skrifa skáldsögu.

Fyrsta skrefið er bara að setjast niður með smá hugmynd og byrja að skrifa. Svona rétt til að tékka hvort maður geti actually skrifað. Ef maður getur það, þá er tímabært að gera smá beinagrind af plottinu. Ef það tekst þá er að skapa persónur og setja meira kjöt á beinagrindina. Ef það tekst þá er bara komið að því að skrifa sem brjálæðingur upp í sirka 50þ orð. Ef það tekst þá er kominn tími til að taka hvíld í nokkrar vikur, líta svo á þetta aftur og endurskrifa nokkrum sinnum og betrumbæta. Ef þetta er eitthvað áhugavert á þessum tímapunkti þá er maður kominn með 80% af skáldsögu. Fá einhvern reyndan til að fara yfir draslið, fá feedback og ljúka svo kvikindinu og gefa út. Þá er kannski liðið eitt ár eða svo og tími til kominn til að hala inn milljónir.

Er kominn með 2200 orð og strax farinn að spá í undir hvaða nafni ég á að gefa þetta meistaraverk út. Er að gæla við listamansnafnið, Indriði Andrason.