KJ

Það fer nú hver að verða síðastur til að kjósa KJ sem betri karakter en George hér á hægri hönd. Mun púlla þessu út þegar þetta nær 30 atkvæðum.

GO KJ

vika II

Önnur vika byrjuð. Veit ekki hvort ég get eitthvað hlaupið eða tekið armbeygjurnar í dag. Er enn soldið dúbíus í líkamanum eftir helgina. Drakk samt ekkert brjálað magn. Bara eina Finnlandia flösku,ÁÐUR ER ÉG FÓR Í BÆINN!

Svo eitthvað í bænum líka. Goddeeem, það er slatti.

Það hjálpaði líka ekki þegar Pétur bauð uppá eitthvað heitt skot á celtic. Það var brúnt, heitt OG með rjóma...fáránlega gott og klárlega svínvirkað.

En allavega, það var mjög gaman.

Tak

Það var tekið á því í gærkveldi. Spilaði með Pétri og Hörpu hið víðfræga Chick spil, sem að sögn er sænskt. Spiluðum vel inn í nóttina og fórum svo út. Stuð.

Er sæmilega ónýtur. Allt í lagi að taka á þessu svona annað slagið.

Bamboozle (byrjar á 25 sekúndu)

Bamboozel Chick

Fór til Péturs í gærkveldi. Við tveir spiluðum á spil nánast allt kvöldið. Hann kenndi mér nýtt spil sem heitir Chick. Það er fáránlegt.

Ef þið munið eftir friends þættinum þar sem Joey átti að vera þáttarstjórnandi í nýjum leik sem hét Bamboozel, þá var þetta svipað dæmi.

Ég hélt að Pétur væri að fokka í mér þar sem hann útskýrði þetta spil fyrir mér. Og svo voru alltaf að bætast við nýjar reglur eftir því sem tíminn leið. Mjög grunsamlegt.

Eins og allt í einu þá mátti hann draga eitt spil OG sjá það og velja hvort hann vildi það eður ei.

Hér er heiðarleg tilraun til að útsýra Chick (bamboozel):

Fyrst tvær umferðir með keppni um bestu hendi, svo ein umferð þar sem menn leggja niður spil og reyna að vinna slagi með spilum úr fyrri umferðum.

Fyrsta umferð.
Þú færð 5 spil, með það að markmiði að gera einhverja hendi úr því svipað og í póker (par,tvö pör,þrennu o.s.frv.). Þú mátt strax henda eins mörgum af þessum 5 út og fá ný til að reyna eltast við að gera eitthvað úr þessum spilum.

Ok, þú skiptir kannski út 3 spilum, dregur ný og ert þá með 5 spil á hendi og kannski með sexu par.

Segjum að hinn hafi gefið, þá átt þú að segja:,, ég er með par". Ef hinn er ekki með neitt þá verður hinn að segja, ,,já, þú ert með það" og þú færð 1 stig fyrir þetta par(tvö stig fyrir tvö pör, 3 fyrir þrennu o.s.frv.). Ef hinn er kannski með betra, þá fær hann einhver stig eftir því og þú ekkert. Ef báðir með par fær hærra parið stigið.

Ok, þú varst með sexu par og hann ekkert. Þú ert kominn með eitt stig.

Önnur umferð.
Þá máttu skipta aftur út spilum til að gera einhverja hendi. Taka ber fram að menn reyna að fá sem hæst spil til að vera sem sterkastir í þriðju og loka umferðinni.

Segjum að þú sért með drollu, gosa, tíu og sexu par. Þrátt fyrir að vera með par þá myndiru skipta út sexunum pottþétt og tíunni. Jafnvel gosanum. Allt til að vera með sem hæstu hendi.

Þú skiptir fjórum og heldur drollunni. Færð drollu par og rest sæmó spil. Þú segist þá vera með par, en hann er með þrennu skyndilega. Þrjú stig fyrir hann. Moðerfokker.

Staðan 1-3 fyrir honum og nú hefst aðaldæmið.

Þriðja umferð.
Leggið spilin út til skiptis, það eina sem skiptir máli er að vinna fimmta og síðasta slaginn. Þú leggur fyrst út og hann reynir að vera með hærra spil í sömu sort. Ef hann er með hærra í sömu sort þá fær hann réttinn til að gefa út á undan. Ef þú vinnur fimmta slaginn þá færðu 5 stig. Hann fær samt 3 stig í viðbót fyrir þrennuna.

Staðan er þá (1+5) á móti (3+3). Þetta er uppí 53.

Ef menn vinna síðasta slaginn með tvisti þá færðu 10 stig í stað 5. Þegar þú kemst yfir 15 stig máttu hrópa chick og þá þarftu að vinna ALLA fimm slagina annars taparu 15 stigum. En vinnur 15 ef það gengur upp. Riskí.

Þegar þú kemst yfir 45 stig þá máttu ekki lengur skipta út spilum. Erfitt.

Þegar þú skiptir bara einu spili máttu hrópa, ,,skipti einu og sjá það". Þá færðu að sjá spilið og ákveða hvort þú viljir það. Ef ekki þá dreguru annað.

Ef þú færð fernu þá máttu ráða hvort þú fáir 8 stig eða lætur alla aðra fara í 0 stig!

alls konar sérreglur í gangi.

Þetta er mjög skemmtilegt spil verð ég að segja. Eins og póker, með smá blekkingar og trash talk, en samt meira action og stöðug spenna. Svo bara safnast stigin upp, svo kallað "live scoring" skv spilamönnum þessa ágæta spils.

Mæli með þessu

feðgar

pungarnir einir heima. Einn að hora á latabæ og hinn að chilla. Förum saman í barnaleikfimi kl 11 svo eitthvað á flakk.

sess er kennt er við ion

Tók þriðja daginn í viku 1 í nösina hundredpushups.com. Mun auðveldara að gera þetta áður en maður fer út að hlaupa. Eðlilega. Vika tvö, here I come.

Fór svo út að hlaupa í kulda og smá vindi. Tók 4.1km

Búinn að komast að því að Foo Fighters er helvíti gott stöff til að jogga við. Monkey wrench, Here Comes my hero og fleiri Hetjusöngvar.

Svo eru Blinkararnir er kenndir eru við 182 helvíti góðir líka.

Tók svo session í kæfandi hita inn í íbúðinni er kennd er við litla Spán. Nokkrar loku-kviðæfingar, svo skæri og loks niðurseta.

María er núna í World Class. Þegar hún kemur heim fer ég til Pedros að eta pesto borgara og kenna honum smá Fifa.

Bæjarferð II

Í neðangreindri bæjarferð gékk mikið á og margar sögur fæddust sem við skemmtum okkur enn við að segja á góðri stundu. Flest svona had to be there móment reyndar.

Við Pétur tókum m.a. vitlausan stætó lokadaginn og fórum eitthvert útá granda á endastöð. Áttuðum okkur á þessu eftir nokkra setu í tómum vagninum, rukum út og hlupum alla leiðina til ömmu Péturs. Hún var að fara yfir um bíðandi eftir okkur spígsporandi á útidyratröppunum því við vorum orðnir ALLT of seinir í rútuna. Það skal áréttað að á þessum tímum var ekkert til sem hét gemsi. Og engin leið til að láta vita.
Rétt náðum rútunni norður. Ævintýri fyrir unga menn.

Þess má geta að Pétur hljóp sem brjálæðingur en ég meira svona joggaði. Ég vildi meira ævintýri og sleppa við skólann næsta dag. Ég reyndi að tefja, en allt kom fyrir ekki.

Við fórum líka í bíó eins og er nánast skylda þegar maður kom suður, í þau fáu skipti sem maður komst í menninguna. Sáum Waynes world í fyrsta sinn. Sem er ekki frásögu færandi nema hvað að Bjössi Alberts var með okkur í för. Sá maður er með mest smitandi hlátur sunnan norðurpólsins. Mjög gaman.

Við sátum eitt sinn inn í golfskálanum ásamt fleirum gæjum (sem við vorum skíthræddir við því þeir voru að sunnan). Þar var Þorkell eitthvað sem var eitt mesta efni íslands á þeim tíma að mig minnir. Man ekki alveg eftir þessu en hann var með 5 eða eitthvað álíka þegar hann var 14 ára (leiðrétti mig sá er man þetta betur).

Aðalmálið á þessu aldurskeiði var náttúrulega að monta sig og slíkt. Þessi Þorkell var að segja hetjusögur sem leiddi mig til að spurja hann hvaða forgjöf hann væri með. Hann sagðist vera með 5 (eða eitthvað álíka), sem var fáránlega gott miðað við aldur. Þá segi ég, ,,nú, bara lélegur!".

Þetta var bara algeng írónía eins og gengur og gerist. Létt spaug að norðan. Ég veit ekki hvort fólkið hérna fyrir sunnan hafði ekki sama húmor og við eða hvað það var en það varð aldrei neitt meira úr þessum efnilegasta kylfingi Íslands eftir þetta komment.

Skunk Ananas

Gerði mix af Skunk Ananas eins og þeir voru kallaðir einhvern tíman í útvarpinu. Þetta eru 10 lög saman sett í 7:31, gat ekki þjappað meira.

Ég fíla sérlega byrjunina, Charlie big potatoe(5:11) og svo endinn. Þessi endir er eins og stríðsyfirlýsing. Byrjar á 6:34 og með þennan bút einan og sér gætiru farið í stríð við hvaða ríki sem er. Enga hermenn eða weapons of mass destruction......bara ÞENNAN FRIGGIN ENDI. Guerra.

Svo koma sameinuðu þjóðirnar og sætta ríkin. Hvernig......MEÐ FRIGGIN BYRJUNINNI. Celestial.

Bara datt svona í hug að gera medley með þessu barni síns tíma sem þessi hljómsveit var. Ágætt Blast from the past dæmi.

Þeir sem fíla rödd Skin ættu að tékka á hennar sóló stöffi. Það er betra. Mun mýkra, suave.

Þetta skíta mix er efsta lagið í djúkaranum hér á hægri hönd. Og er gert af SIR Mixalot.

Sagan af Ingvari Helgasyni

Sit hér á verkstæði hjá vini mínum Ingvari Helgasyni. Getzinn fékk innköllun útaf einhverju drasli sem ég kann ekkert á. Enda þekktur fyrir að vita bara hvar stýrið er á bílum. Og útvarpið.

Allavega, þetta minnir mig á eina sögu frá því að ég var polli.

Golfklúbbur Blönduósar sendi sveit í Sveitakeppni unglinga hérna í Grafarholtinu árið sautjánhundruð og blómkál. Vorum sirka 12-15 ára. Í sveitinni voru Ég, Pétur, Bjössi Alberts og Ásgeir Blöndal.

Við vorum skíthræddir við allt hérna í bænum enda bara ungir sveitalúðar og sjaldan komið á malbikið. Pabbi Bjössa fór með okkur og eitt sinn eftir spileríið þá ætlaði hann að skutla okkur þangað sem við gistum.

Ég, Pétur og Geiri sögðumst ætla að hanga aðeins lengur útí grafarholti og leika okkur í vippum og púttum. Við fengum 1000 kall til að taka taxa niður í bæ þegar við værum búnir. Ótrúlegt en satt þá samþykkti Pabbi Bjössa þetta. Við vorum bara,,,,jeeeee...spennandi. Bjössi fór með pabba sínum.

Við lékum okkur smá en leiddist fljótt þófið. Vorum sem sagt með 1000 kjell í höndunum og einhver fékk þá stórkostlegu hugmynd um að vera soldið sniðugir. Labba niðrí bæ og kaupa svo bland í poka fyrir peninginn! Bulletproof plan. 1000 kjéll! það var dágóður peningur í þá tíma skal ég segja ykkur.

Við vorum þrír sveitalúðar, í einkennisklæðnaði GÓS, labbandi frá grafarholtinu alla leið inn í vesturbæinn!

Vorum held ég allir í rauðum fatnaði í stíl, hvort vesti hafi verið partur af þessu skal látið ósagt, en þetta var allavega eins hallærislegt og hugsast getur.

Við vorum komnir sirka samsíða bílasölunni Ingvar Helgason þegar okkur var ekkert farið að lítast á blikuna. Gerðum okkur ekki grein fyrir þessari vegalengd sem þetta var.

Þá heyrist í Pétri, ,,strákar! þetta er ekkert mál, við tölum bara við Ingvar Helga, pabbi þekkir hann."

Við bara ójeeee!!! Við erum hólpnir.

,,hvernig þekkir pabbi þinn Ingvar Helgason?"

,,Hann keypti einu sinni af honum bíl"

Needless to say þá var sú hugmynd veto-uð af hinum í hópnum.

Við skildum við Geira á einhverjum tímapunkti þar sem hans gististaður var sennilega í austurbænum eða eitthvað álíka. Einhvern vegin fór það þannig að Ég og Pétur héldum 1000 kallinum eftir þar sem við ætluðum að taka strætó þegar tækifæri gæfist á því.

Við sáum einn slíkan er hann var að leggja í hann frá einu biðskýlinu. Við hlupum á eftir honum svona hálfpartinn í gríni, eins og í bíómyndunum. Hlæjandi. Stætóinn var kominn einhverja 100mtr eða svo þegar hann snarstoppar. Og hleypir okkur inn. Við bjuggumst nú ekkert sérstaklega við því. Strætóstjórinn sagðist bara hafa séð eitthvað rautt fyrir aftan sig baðandi út öllum öngum.

Okei fínt. En svo vildi skemmtilega til að ég hafði einn skiptimiða í vasanum frá deginum áður. Við kunnum ekkert á þetta. Vorum báðir grænir og blautir á bakvið eyrun. Pétur otaði mér áfram upp tröppurnar og sagði mér að spurja.

,,get ég fengið skiptimiða?" muldraði ég útum hálflokuð munnvik, að skíta á míg úr hræðslu.

,,fyrir annan skiptimiða!!!!" sagði stærtóstjórinn, bæði pirraður og undrandi á svip.

Hann var ekkert sérstaklega sáttur með þessa rauðklæddu lúða á þessum tímapunkti.

Þá hrópar Pétur yfir allan vagninn: ,,GÓÐUR SIGGI" eins og HANN vissi eitthvað betur. 

anyways, við komust loks á leiðarenda eftir ég veit ekki hvað langan tíma. Svo keyptum ég og Pétur okkur bland í poka fyrir peninginn. Geiri varð brjálaður.