Itlob Noj

Í dag á Jón Ingi afmæli. Ég óska honum til hamingju. Hann var nágranni minn á Blönduósi.

Hann var ávallt mikill grallari og eins og frægt er orðið þá stal hann þríhjólinu mínu einn daginn og henti því útí sjó.

Þegar játning lá fyrir eftir langar yfirheyrslur, fóru foreldrar beggja útá bryggju og veiddu hjólið upp með krók.

Við vorum 6 ára

update! við vorum örugglega mun yngri en 6 ára. Ég man ekkert hvenær þetta gerðist og slumpaði bara á 6 ára aldur. En maður er sennilega mun yngri á þessum þríhjólum . Whatever...you get the point.

Snjókúla

Í dag var snjókúlu kastað í bílinn minn. TVISVAR. Þá meina ég í tvö mismunandi skipti. Klukkan 17 og svo aftur kl 21.

Hef held ég aldrei fengið snjókúlu í bílinn áður.

Það var reyndar bara mjög gaman.

Í fyrra skiptið voru María og Sebas með í bílnum. María snappaði og vildi stoppa og elta þá, ég bara hló og sebas spurði hvað gengi eiginlega hér á.

Ég man þegar maður var lítill að kasta í bíla á Blönduósi þá var alltaf skemmtilegast þegar bílstjórinn kom bálreiður úr bílnum og elti mann. Þá var takmarkinu eiginlega náð.

En annars var þetta bara rólegur dagur. Ég slökkti á gemsanum og chillaði bara. Fór á borgarbókasafnið niðrí miðbæ og sat þar einn og las í hægindarstól. Nice.

Ég á afmæli í dag

Til hamingju Ísland með að ég fæddist hér.

Stig

Hvað er málið með þuli! Þeir voru þarfir þegar þurfti að segja frá leikjum í útvarpi. Ekki svo mikið í sjónvarpi. Ég er að horfa á bloody leikinn og þarf ekki einhvern misvitran svokallaðan sérfræðing til að segja mér að Gerrard sé með boltann!

Ég meina.....what gives!

Ég var að stríma LP-Eve í dag af portúgalskri stöð og gæjinn sagði bara nöfnin á mönnunum sem voru með boltann. Frekar fyndið. Það er náttúrulega bara frumstigið.

Hér á ísl eru þeir þó komnir á annað stigið. Kalla sig sérfræðinga til að reyna að halda þessu gangandi áður en að við fáum loks þriðja stigið. Á þessu öðru stigi kalla þeir ekki bara nöfnin heldur eru líka með eigin skoðanir á hlutum tengdum leiknum. Oft mjög misgáfað og oftast eitthvað sem engin hefur áhuga á að hlusta á.

Þriðja stigið væri þá bara friggin hljóðið af leiknum sans misvitrir þulir.

Fjórða og síðasta stigið kemur vonandi innan skamms. Það væri bara leikurinn með ,,GO WEST" á repeat.

DV

Fékk símtal frá blaðamanni. Hann ætlar að skrifa grein um íslandsmeistarann fyrir blaðið á morgun. Afmælisgrein. Kjeppinn þrítugur.

Hann rakti skólagönguna,vinnuferil og afrek meistarans. Ásamt því að telja upp fjölskylduna.

Það verður mynd og læti.

Myndin sem fylgir er croppuð, það sem ekki sést er að ég held á stútfullu G&T glasi, ágætur á því, á MA reunioninu.

Hobnob´s

Borðaði ,,krassandi" morgunmat svo 6 hobnob´s kexkökur með kóki í hádegismat. Þrátt fyrir trefjaríkar kexkökur þá er ég orðinn frekar svangur allt í einu.

Hvaða enska 12 stafa orð er með 6 s? Helmingur stafana er s!!!

ps LP vann Neverton 0-2 á sjúddison.

Ætla að skreppa yfir til Zordiac´s palace of love og horfa á arse vinna Elsu FC og svo Barca taka los blancos.

jólakortið mitt í ár til allra!

see more Lolcats and funny pictures

Gelfoss

María er föst á Gelfossi með Sebas. Nei, nei, bara soldið pirrandi veður. Hún fer bara hægt yfir og þá ætti heiðin að vera fær fyrir getzinn.

Í öðrum fréttum er það helst að í dag er súper sunday.

13:30 LP-neverton
16:00 Arse-Elsa Fc
18:00 El Clássico

númer hvað var kylfan?

Ætli þetta hafi verið driver sem hún notaði? bada búm!

Kona Tigers notaði golfkylfu til að hjálpa honum

Díkíta

Það verður erfitt fyrir Dikta að verða ekki heimsfrægir miðað við hressleika þessara rokkslagara á nýju skífunni. Þeir þurfa virkilega að hafa fyrir því að slá ekki í gegn. Í raun getur bara eitt komið í veg fyrir það....hinn íslenski ,,þetta reddast" hugsunarháttur. Gera ekkert og halda að allt gerist fyrir þá.

Eins mikið og white lies trommarinn er þéttur þá gefur nonni ekkert eftir.

Ég er eins og lítil skólastelpa allt í einu....hefði ekki átt að fara í bíó í gær. kræst!