Fokkin stákurinn

Lenti í leiðinlegu atviki eftir hringinn. Ég póstaði skor uppá +5 en kom svo heim og frétti að ég væri skráður með +4. Eftir nánari grennslan kom í ljós að skollinn á þrettándu var skráður sem par á netinu.

Þá fer maður að hugsa, skrifaði ég undir rangt skor á kortinu (sem þýðir frávísun úr mótinu), eða pikkuðu þau bara vitlaust inn í tölvuna hjá sér.

Ég fór því aftur uppí Grafarholtið og talaði við eftirlitsfólkið og lét vita af þessu.

Eins og gefur að skilja þá var ég mjög stressaður yfir því hvort virkilega gat staðist að mér hafi yfirsést þessi villa á kortinu eður ei. Fokkin frávísun yfirvofandi. Mikilvægasta mót ársins!

Það var farið aftur yfir kortið og í ljós kom að ég hafði gert allt rétt. Það var skráður skolli á kortinu og ég skrifaði undir það. Fokk jeeee. Þvílíkur léttir.

Fokkin strákurinn sem tók niður skorið hjá okkur á sextándu brautinni hafði þá misheyrt það sem ég sagði og sagt par við fólkið á skrifstofunni í gegnum talstöðina.

Sá lét mig svitna.