vbí

fór á leik með kötu. Fjölnir-ÍBV í grafarvoginum. þetta var fínn leikur. Eyjamenn unnu leikinn 3-1 og það var mikið öskrað. Aðallega maðurinn beint hægra megin við hægra eyrað mitt. Í sirka 2 metra fjarlægð.

Dómarinn var slakur. Þessi Garðar sem gerði allt vitlaust í fyrra. Hann er greinilega bara ekkert svakalega góður í að dæma. Ég meina, ég er mjög dipló maður og sé hlutina frá báðum hliðum. Þetta var bara fáránleg dómgæsla. Hlægilegt.

Enda voru eyjamenn brjálaðir í stúkinni. Sem var náttúrulega mjög fyndið.

Fullorðnir karlmenn að æpa eins og sambland af stelpu og kríu.

Ég þakka bara guði og lukku að það voru engir finnar þarna nálægt. þá hefði þetta orðið óbærilegt.

Ég held með Val (ólíkt sumum sem skipta bara að vild [skrifar sigursteinn og bölvar pedro í sand og ösku]) og var í raun slétt sama um úrslitin. Þangað til að leikurinn byrjaði.

Þar sem Albert (maður Kötu) er í markinu þá studdi maður nú íbv. Þeir unnu svo sinn fyrsta sigur í deildinni í ár og allt mér að þakka. Ég er happa.

Ég heyrði talað um að vestmannaeyjar ætluðu bara að sponsa mig í framhaldinu með því skilyrði að ég mætti á alla leikina.

Hvar skrifa ég undir?

Athugasemdir

[Kata (IP-tala skráð) 30.5.2009 kl. 01:42]

he he èg fer í màlid, med sponsid