Lyf

Keyptum einhver lyf handa Sebas útaf smá hósta og slími í hálsi. Það kemur mér sífellt á óvart hve lyfin eru ódýr hérna. Fyrir báðar flöskurnar borgaði ég 2,9€

Á æfingu í dag hægði ég enn og aftur á sveiflunni og það var eins og við manninn mælt. Keppinn slær þráðbeint og miklu lengra með járnunum. Halelúja.

Fór svo níu á Asíu og spilaði mjög vel. Fór seint út og náttúrulega enginn á ferli og ég spilaði með fjóra bolta. Bara eins og á dósinni í gamla daga. Nægur tími.

Það styttist í tvennt.

Members Festival Week keppnina þar sem nýr klúbbmeistari verður krýndur. Nokkurs konar meistaramót La Cala en tekin heil vika í allskonar keppnir. Á mánudeginum tek ég þátt í fjögurra manna Texas Scramble, svo á þriðjud og miðvikudegi er tveggja daga höggleikur þar sem sigurvegari verður krýndur klúbbmeistari La Cala, frí á fimmtudegi og föstudegi og svo Nordic countries against rest of the world á Laugardeginum og svo verðlaunaafhending.

Hinn hluturinn er náttúrulega Volvo Masters á Valderrama. Fer á fimmtudegi,föstudegi og svo lokadaginn sunnudag.

History in the making

Athugasemdir

[Borgarfjardarskotta, 23.10.2008 kl. 18:43]