Sunnudagur sigurs

Þetta var bissí dagur. Vaknaði klukkan 7 en snúsaði til 11. Fengum okkur bæjarins bestu klukkan 13 og átum pulsurnar á rúntinum og hlustuðum á Villa naglbít og spurningaþátt hans á rás 2 sem heitir ,,nei, hættu nú alveg". Klukkutíma rúntur þar sem þátturinn er einmitt það langur.

Sáum þyrlu í æfingu. Stoppaði nokkrum sinnum á rauðu ljósi til að hrækja upp slími sem hefur verið að gera sér hreiður í lungunum. Það þýðir að mér er að batna. Sem er vel.

Í eitt skiptið sem ég var að stoppa á rauðu þá opnaði ég bílhurðina og skyrpti út en stoppaði ekki alveg. Ég klessti því aðeins á bílinn fyrir framan. Það var samt ekkert mál. Þetta var jeppi með krók þannig að það sást ekkert á honum. En það kom pínu mishæð í númeraplötuna mína. Gæti annað hvort bara bankað hana til baka eða fengið nýja á skitterí.

Fórum í keiluhöllina í öskjuhlíð og tókum þrjá þythokkí leiki sem needless to say ég rústaði.

Svo sporðrenndi ég randalínu og horfði á LP busta Burnley. Hreinsaði blöndunartækin á baðinu. Át bolognese og horfði á How I met your mother og QI en erum nú á leiðinni í bíó á KICK ASS!

Athugasemdir

[ragna.is (IP-tala skráð) 26.4.2010 kl. 15:02]

Þetta var nú ekki algjört burst...2 af 3 leikjum hefðu getað fallið mín megin, en lokaleikurinn var burst

[Sigursteinn Ingvar Rúnarsson, 26.4.2010 kl. 15:26]

bíddu aðeins....þarf að taka mér smá pásu til að grenja úr hlátri...........ok, I'm back.