robot

Fyrir áhugasama þá mun ég hreyfa mig svona allan daginn á morgun 

mhmm

það gerist lítið annað en Golfskálinn hjá mér þessa dagana. Ekkert fyndið né sniðugt við það að blogga því miður.

Þó að reyndar mér finnst það yfirþyrmandi skemmtilegt þá átta ég mig á því að öðrum finnist það topic ekkert lesvænlegt.

Í öðrum fréttum er það helst að Beta er alltaf jafn ólétt. Gengur bara vel í þeirri deild. Við Sebastian erum loksins búnir að sættast á að vinnuheitið sé Leiftur McElvis. Það var svona millilending. Allir vinna.

Við erum opnir á morgun frá 11-16 fyrir þá sem vilja kíkja. Svo er afslöppun á sunnudeginum.

Golfskálinn

shiiiii....brjálað að gera í Golfskálanum. Mikil traffík á fyrsta degi og í dag verður opið frá 11-20.

Svo verður líka opið á laugardaginn og loks á mánudaginn dettur þetta í venjulega opnunartíma. Þá getur maður kannski andað.

jebb

Einn dagur til stefnu. Við opnun Golfskálann kl 11 á fimmtudaginn!

Allir velkomnir.

Erum sem óðir að setja búðina upp. Raða upp öllum vörum og shjæna til.

Enter

,,Er að spá í að breyta nafninu mínu í Dílít Rúnarsson og ganga í Tölvuklúbbinn Enter sem Kristján Sturlu stofnaði á sínum tíma. Gæti verið deildarstjóri Reykjavíkursviðs."

Þetta, ásamt fullt fullt af golfkylfum og vörum var það sem mig dreymdi í nótt.

Kannski ekki skrýtið að vera soldið ruglaður og súrréalískur eftir 15 tíma vinnutörn við að setja búðina upp.

Ég býð spenntur eftir næstu nótt. Ætli ég lækni eyðni og uppgötvi nýja plánetu!

Pre buyers syndrome

Alltaf gaman að kaupa stöff.

Við vorum í Ylfu og keyptum bókahillu. Við röltum um búðina á meðan við vorum að melta hvort við ættum að ganga frá þessu eða ekki.

Það er svo fyndið að maður dettur alltaf í ákveðið skap á svona ögurstundum. Skap sem ég kýs að kalla ,,Pre buyers syndrome".

Einkennin lýsa sér þannig að maður er soldið kátur. Sama hvað er sagt þá er flissað. Allir brandarar eru ,,go". Ekkert getur klikkað. Það er gaman. Á maður að leyfa sér þetta, eða ekki. Spennandi.

Eftir kaupin kemur svo ,,Post buyers syndrome" sem er svipað nema færri brandarar og meiri ákveðni. En kátínan er enn til staðar og það er gaman. Ákveðnin lýsir sér þannig að maður vill ólmur komast heim og leika sér að dótinu. Í þessu tilfelli að koma heim og setja saman og raða í.

Helvíti góður dagur.

P.s. bókahillan er með 24 hólfum og við erum að tala um að þarna verði sér golf hólf, Shakespeare hólf, Laxness hólf, Douglas Adams hólf, Indjána bókmennta hólf, Ævisögu hólf, Rokkara hólf.

a long time....

Agent Fresco, svo fín hljómsveit, svo pirrandi rödd.....en þetta lag er svo klikkað að það overritar pirrið. Frábært lag 

viðskipti dagsins

Fórum í barnaafmæli í dag. Þegar það var búið þá sagðist Beta vilja aðeins kíkka inn í Ylfu á Korputorgi.

,,Verð enga stund, þú mátt bíða út í bíl ef þú vilt"

,,nei, nei elskan, ég skal koma með þér"

Mikil mistök.

Ég labbaði þar út 85þ kalli fátækari!

Eitt stykki huuuges bókahilla komin í hús.

Kannski var ég bara heppinn að koma með inn. Aldrei að vita hvað hefði komið þarna út hefði ég ekki monitorað viðskiptin.

ofnotkun orða

Ég er orðinn leiður á ofnotkun á ákveðnum orðum til að tjá velþóknun.

Mér finnst gildi þessarra orða hafa rýrnað töluvert sökum frjálslegrar notkunar.

Við erum að tala um orðin ,,snilld" og ,,glæsilegt".

Þetta eru sterk orð og þau eru notuð við mjög svo hversdagslegar aðstæður.

Bjarni: ,,Jói! hvað er langt í þig?"
Jói: ,,Verð kominn eftir 10 mín"
Bjarni: ,,Snilld!"

Þetta er svo langt frá því að vera ,,snilld". Þetta er bara Jói, að koma eftir 10 mín!

Snilld/schnilld/ske-nilld/Shjíbbittínilld

Glæsilegt/glæsó/Glæsibær!

Whatever! Orðið frekar þreytt!

Hvað varð um ,,flott" eða ,,fínt"

Eða hreinlega bara að friggin Jói mæti á réttum tíma!

enski

Ömurleg úrslit í enska í dag.

Manure vinnur

Ars/Chel jafntefli

og

LP tapar

Æðislegt.

Eina jákvæða við þetta er að ég er með Rooney í liðinu í fantasí