1.dagur 5.stigamóts GSÍ

Leikið var golf í frekar dræmu veðri á GKG í morgun. Lék frekar lélegt golf þar sem ég byrjaði á skolla, dobbúl og dobbúl. Gott veganesti.

Endaði svo hringinn á 5 skollum í röð. 3 misst eins og hálfs mtrs pútt m.a.

Einn af þessum dögum bara. Ég hélt samt uppteknum hætti og gjörsigraði völlinn í hausnum þar sem ég var brosandi allan hringinn þrátt fyrir lélegt gengi. Var aldrei pirraður né í fýlu. Bara hress.

Nokkuð góður í því. Núna er bara að vera góður í golfi líka og þá er þetta bara komið.......

Spilaði eina braut sem atvinnumaður. Erfiðustu braut vallarins. Þá sjöttu. Hún spilaðist í mótvindi og upphafshöggið því hlægilega stutt miðað við aðra daga. En...þokkalega staðsett. Átti 163mtr í stöng en var að koma aðeins frá vinstri inná grínið og þurfti því að daðra við vinstri bönkerinn.

Ég sló fullkominn fjarka með 10% dragi til vinstri. Miðaði hægra megin við grín og fékk hann svona fallega inn til vinstri. Pin high og í meters fjarlægð frá pinna á þessu líka erfiða og harða gríni. Setti í fyrir frábærum fugli.

Á maður ekki annars alltaf að einblína á það jákvæða!

Fer út á morgun kl 8:20