RS vírus

Sebastian er með Róta-vírusinn eða RS vírus. Hann liggur enn með næringu í æð og María er hjá honum. Ég fór uppá spítala í morgun og komst fljótt að því að ég er einnig með þetta drasl.

Allavega eitthvað sem lætur mig ganga niður og æla öllu (and then some) samstundis. Þannig að ég ákvað að fara bara heim og liggja fyrir.

Djöfull var ég tæpur á því á heimleiðinni. Rétt skreið inn fyrir dyr og allar flóðgáttir opnuðust.

Þambaði því vatn, sirka einn lítra, sem var ágætt þangað til að ég skila því öllu aftur.

Það er allavega gott að við vitum hvað hrjáir Sebastian. Hann er undir læknishöndum en er samt mjög slappur.

Það er minna mál með mig því ég er nagli og tek þetta bara standandi eins og kelling [skrifar sigursteinn og hniprar sig aftur saman í fósturstellinguna og byrjar að kjökra eins og smábarn]

Athugasemdir

[Kata (IP-tala skráð) 16.2.2009 kl. 14:17]

hvað er að heyra (lesa) þetta, muna bara Siggi best er að taka bara einn tita í einu t.d. af ristaðri brauðsneið eða hrökkbrauð, á hálftíma fresti til að byrja með til að reyna að halda einhverju niðri, svo fá sér frostpinna með sykri í til að fá smá örku. Gangi ykkur feðgum vel, sendi ykkur heilsu strauma.

kv. Kate

[Rósa Margrét (IP-tala skráð) 16.2.2009 kl. 14:18]

Elsku grágarnir míni.  Geyin mín ósköp er að lesa þetta.  Leggðu þig bara niður og slakaðu á.  Bið að heylsa ykkur.... kveðja Mamma

[Sigursteinn Ingvar Rúnarsson, 16.2.2009 kl. 15:59]

jamm, ég tek því rólega hér. Ligg fyrir og tek svo rúnt á netinu, ligg svo fyrir og svo aftur rúntur. Þannig gengur þetta.

gott ráð með einn bita í einu. Þambaði vatnið áðan og það fór allt. Núna er ég að taka smá í einu og það virðist virka.