Fin

Fór á fjórða og síðasta daginn á Volvo Masters. Ég var búinn að sjá og fylgjast með öllum sem ég vildi þannig að ég naut þess bara að vera þarna og rölta um. Fylgdist smá með Kaymer, Kjeldsen, Westwood, Sergio, karlsson, Harrington, Clarke og fleiri minni spámönnum.

Kom svo heim og náði formúlunni. Þvílík og slíkt. Ég styð Hamilton (er samt lítill formúlumaður) þetta er samt íþrótt þannig að ég hef stundum gaman af þessu.

Þetta var besta formúlukeppni ever. Hamilton náði að vinna titilinn í síðustu beygjunni. Spænsku þulirnir áttuðu sig ekki á því strax og voru frekar svekktir þegar þeir komu til. Það hata allir Hamilton hérna útaf þessari rimmu þeirra Alonso fyrir um ári síðan. Þannig að mér fannst þetta snilld.

Framundan eru flutningar. Byrjum strax á morgun og ætlum að taka okkur smá tíma í þetta, enda liggur ekkert á. Gerum þetta bara á þægilegum hraða. Það eru engin stórmót framundan og allt soldið stefnulaust eins og er. Bara flytja og halda svo áfram að æfa og lækka í fgj.