Trevor Immelman

Varúð! hafið ælufötu og handklæði nálægt áður en þessi færsla er lesin

Ég fór til golf kennara um daginn þar sem ég var tekinn upp á myndband og sveiflan greind í þaula. Kennarar reyna alltaf að finna svipaða sveiflu hjá einhverjum frægum golfara til að bera saman við þína sveifla. Þetta er gert til að sýna manni hvernig fullkomin sveifla lítur út á móti eigin sveiflu.

Kennarinn tók smá tíma í að leita að eins sveiflu og ég er með og fann hana að lokum. Kemur á daginn að sveiflan mín er nauðalík sveiflu Trevor Immelman og var ég ávallt borinn saman við hann það sem eftir var og allt tekið uppá myndband.

Það er skemmtilegt að segja frá því, og mér til ómældar ánægju, að þessi Trevor Immelman frá Suður Afríku er í þessum töluðu orðum að vinna Masterinn í golfi (eitt af 5 stærstu mótunum á ári hverju og er draumur sérhvers golfara að vinna).

Orðið á götunni og það sem er sagt á túrnum er að það séu tvær nánast fullkomnar sveiflur þarna úti í dag. Eigandi þeirrar fyrri er Tiger Woods og þá seinni á Trevor Immelman. Sveiflu Immelman er ávallt líkt við sveiflu Ben Hogan sem er að flestum talinn hafa verið með fallegustu sveiflu allra tíma í golfsögunni.

Nei, mér datt nú bara í hug að deila þessu með ykkur. Er fatan orðin full

Athugasemdir

[Móðir golfarans (IP-tala skráð) 14.4.2008 kl. 08:53]

Úhúúú.... bara flottur.  það verður gaman að fylgajst með þér á túrnum hér heima í sumar!!!!!!!

[Kata (IP-tala skráð) 14.4.2008 kl. 22:16]

Cooool