svekktur

Spilaði fínt golf í dag fyrir utan eina braut. Bergvíkin alræmda.

Setti þar tvo út í sjó og fór hana á +5 höggum en er samtals á +10 höggum yfir í heildina.

178m í pinna og hliðarvindur. Reyndi að taka sirka 165m á flugi með fimmu. Tók flott högg en vantaði um meter til að ná yfir. Í stein og beint í hafið. FOKK!

Næsta högg var fjarki en acutally lélegt högg sem feidaði út í steina og haf.

Þriðja högg af teig var líka fjarki miðaður vel til vinstri og pínu feidaður í glompu vinstra megin. Náði ekki að bjarga pari með þessum bolta og 8 högg niðurstaða.

Ég var pínu stund að jafna mig á þessu. Á endanum hugsaði ég bara að þetta hefði bara verið skolli. Múv on.

Það tókst.

Átti flottan fugl á sjöundu. Tók upphafshöggið vel til vinstri. Endaði að þurfa slá 120mtr með sexu(vanalega pw eða létt 9) því staðan var svo fönkí. Vinstri löppin á mér var sirka í hnéhæð og ég dúndraði vel upp í loftið.

Vel slegið og endaði á efsta pallinum á friggin gríninu! Erfiðasti parturinn. Pinninn var á öðrum palli í miðjunni. Það var svo mikið brot í þessu pútti að ég held að ég hafi púttað sirka 7 metra til vinstri við holuna og hún bognaði svona líka fallega niður brekkuna og beint í holu.

Annað markvert gerðist ekki fyrir utan 9 fuglapútt og 6 þeirra rétt misstu með nokkrum cm. Annars var pútterinn mjög fínn. 33 pútt, kannski 2-3 hefðu mátt detta í viðbót.

Rest var bara basic pör og stundum skollar.

Ásinn var fínn, vippin fín, púttin fín en járnin pínku að feida.

Er í sæti 99 og næ nánast pottþétt ekki köttinu. Verð eiginlega að para völlinn á morgun. Sem, miðað við spilamennsku í sumar, er mjög hæpið.

vot ever. samt alltaf gaman að spila á íslandsmóti. Það verður líka einhver að fórna sér í köttið. Það geta ekki allir unnið.