Nýjar myndir

Myndir af óvissuferðinni í dag eru komnar inn í myndir 11.

Óvissuferð

Tók Maríu og Seb í óvissuferð í dag. Við rúntuðum niðureftir til Gibraltar og skoðuðum það hverfi. Ekkert sérstakt svo sem, soldið derelict og óhreint. Við rúntuðum svo um alla þessa skógivaxna golfvelli á svæðinu svo sem Almenara,San Roque,Sotogrande,Valderama og La Reserva.

Snæddum í klúbbhúsinu á Almenara og fengum okkur svo ís í hafnarþorpinu í Sotogrande puerto. Þetta er nokkurs konar báta paradísa-hafnarþorp. Mjög kúl þar sem bátunum er lagt uppað húsunum og minnir soldið á feneyjar/bryggjuhverfið en á allt öðrum klassa.

Á morgun ætlum við að taka daginn snemma og ég skutla þeim til tengdó og ég ætla að spila Alhaurin golf (seve ballesteros völlur) um morguninn. Kem svo í mat til tengdó og förum loks heim um kl 16 og ég beint á æfingarsvæðið. Ætla nefnilega að nýta mér sunnudaginn í golf þar sem í næstu viku er spáð rigningu.

Biggi Leifur spilaði á 5 undir í dag og er kominn í -8 sem þýðir 21 sætið af 140 sem byrjuðu mótið í Portugal. Fínn árangur en á morgun er fjórði og síðasti dagurinn þar sem hann verður að vera að minnsta kosti á 5 til 9 undir til að blanda sér á topp 10. Ég spái honum á pari og endar hann þá í 20-30 sæti sem er einnig mjög gott. Þetta ætti að hýfa hann upp töfluna þar sem hann er núna í ca 250.sæti en þarf að vera í 115. sæti til að geta haldið áfram á mótaröðinni. Ég spái honum í 230.sætið eftir morgundaginn.

Brjóst

Kona ein vildi fara í brjóstastækkun en átti ekki pening í slíkar sílikon aðgerðir. Hún talaði við manninn sinn um þetta og hann sagðist reyndar hafa heyrt nýja aðferð.

"Viljir þú að brjóstin stækki, skaltu nudda salernispappír á milli þeirra."

Þar sem að konan vildi reyna hvað sem væri, sótti hún sér blað af salernispappír og stóð síðan framan við spegilinn, nuddandi því á milli brjóstanna sinna.

"Hvað þarf ég að gera þetta oft"  Spurði hún.

"Þau munu vaxa þeim mun meira sem þú gerir þetta"  svaraði kallinn hennar.

Eftir nokkra daga þar sem konan nuddaði og nuddaði með vonarglætu í augunum um stærri brjóst spurði hún hún manninn sinn

"Trúirðu því virkilega að mér nægi að nudda klósettpappír á milli brjóstanna daglega til þess að fá  þau til að stækka?"

Án þess að líta upp svaraði hann,

"Hann virkaði á rassinn á þér, ekki satt?"

Ben Hogan

Í veislunni sat ég við hliðiná eldri manni sem er frá Danmörku. Á sínum tíma var hann aðalinnflytjandinn af golfvörum til landsins og þekkir alla dönsku golfarana. Segist hafa spilað yfir 500 hringi með Tomas Björn.

Þessi maður var mikið með Ben Hogan golfvörur og spilaði m.a. með sjálfum Hogan nokkrum sinnum. Hann var þá með hvítt alskegg og Ben kallaði hann ávallt hvíta víkinginn.

Hann spilar á Pro-am mótum um allan heim og fer létt með. Hann var hress. Samt ekki svo hress þegar uppistandsgrínarinn kom og reyndi stöðugt við konuna hans. (grínarinn gékk of langt)

Grínarinn áttu samt nokkra góða spretti.

Tveir menn voru að spila á velli nokkrum og vildi svo til að tvær kellur voru í hollinu fyrir framan þá. Einn kallinn lét kellingarnar fara svakalega í taugarnar á sér þar sem þær voru mjög lengi að spila og virtust nánast meika sig á annari hverri holu. Loks sauð á kallinum og hann ákvað að hlaupa upp að þeim og segja þeim til syndana. Eftir 3 mínútur kom kallinn til baka náfölur í framan. Hinn kallinn spyr hvort ekki sé allt í lagi með hann. Jú, segir hann, það bara vill svo til að þessar konur fyrir framan okkur eru konan mín og svo viðhaldið til 5 ára.

úps segir hinn, best að ég fari þá og tali þær til. Hinn kappinn kemur fljótlega til baka einnig náfölur í framan. Fyrri maðurinn spyr hvernig hafi gengið. úps, þvílík tilviljun þetta er einnig mín kona og mitt viðhald til 5 ára.

Sotogrande

Ætla að taka Maríu niður eftir til Sotogrande um helgina og sýna henni svæðið. Það er mjög fallegt þarna um að litast, sérstaklega ef þér finnst grænt gras og tré falleg.

Núna erum við feðgarnir einir heima ásamt Mjása. María fór til Málaga að stússast. Hann er að dunda sér að skríða um allt og bögga mjása.

Hann er kominn með aðra tönn, hef ekki lengur tölu á þessu en þær eru orðnar margar.

Nýjar myndir

Myndir af mótinu komnar inn. Þarna er bæði lokakvöldið og myndir af vellinum.

Mótið búið

Jæja þá er þetta celeb pro-am mótið búið og það endaði með stæl.

Ég spilaði þriðja hringin mjög vel og fann þvílíkan mun á öllu sem ég var að gera fyrsta daginn og svo þann síðasta. Upphafshöggin eru snilld, in fact, þá ætla ég að breyta nafninu mínu í Siggi upphafshögg Rúnarsson. Ég spilaði með einum dana og tveim svíum sem kölluðu sig the swedish bandits og staupuðu sig með viskí nánast eftir hvert skot. Fyrir hverja holu sögðu þeir mér hvert væri best að fara og hvaða línu maður ætti að taka í upphafshögginu til að vera sem best settur. Þeir bentu t.d. og sögðu á milli bönkerana þarna í 240 metra fjarlægð. Siggi upphafshögg gjör svo vel setti öll helvítis höggin í ca 10 metra radíus þangað sem þeir bentu. Svo góð voru upphafshöggin.

Þarf samt greinilega að setja meiri áherslu núna á stutta spilið, sem kom soldið í veg fyrir að ég náði að skora vel. Það var mjög þykkt Bermuda gras í kringum grínin sem gerði vippin soldið erfið.

Við spiluðum síðasta daginn á Finca Cortesín sem er nýr völlur en strax orðinn umtalaður sem einn af þeim betri hérna niður frá. Hann er lengsti völlurinn í Evrópu af öftustu teigum segja þeir mér og áttu proarnir í erfiðleikum með hann.

Ég og Ben mættum snemma eins og vanalega og parkeruðum bílnum við húsið þar sem fáir voru mættir. Við tókum settin út og ætluðum að rölta á rangeið. Við vorum strax stoppaðir af öryggisverði sem sagði okkur að skilja settin eftir. Vóv,,,þetta er bara 1 mínútu labb á rangeið en hann krafðist og þetta eru klúbbhúsar reglur að engin eigi að bera settið sitt. Þannig að við þurftum að labba niður á rangeið sjálfir og settin okkar komu mínútu síðar á buggy bíl.

Þar sem þetta er nýr klúbbur þá voru allir að reyna að ganga í augun á okkur. Þjónustan var ótrúleg, hef aldrei séð neitt þessu líkt. rangeið var fullt af boltum, morgunverður dauðans og öll smáatriði á hreinu. Buggy bílarnir eru með sjónvarp alveg eins og þeir á San Roque þar sem maður sér layoutið á öllum holunum með hjálp GPS og getur einnig pantað sér mat og slíkt.

Sem sagt það var komið fram við okkur eins og stjörnur, ætli það hafi ekki verið útaf því að það voru actually stjörnur þarna og svo moldríkir kúnnar.

Það var svo verðlaunaafhending í gærkveldi þar sem glatt var á hjalla. Verðlaun voru veitt og uppboð á ýmsum hlutum til styrktar einhverjum málstað. Innrömmuð skyrta af Enska landsliðinu 2006 árituð af öllum leikmönnunum fór á 1400€ og var dýrasti hluturinn þarna. Svo voru Rangers skyrta, myndir, snekkjuferðir, hótelgistingar, golfhringir og allskonar hlutir á uppboði.

Vinur minn Des Walker kom með ensku skyrtuna úr sínu eigin safni og endaði svo að bjóða hæst í hana sjálfur. Hann er hetja.

Peter Reid gamla kempan mætti í matin og var áberandi á stjörnuborðinu með brandarann að vopni.

Svo var uppistand þar sem gæinn gerði óspart grín af einum manninum sem þarna var. Maðurinn heitir James og er aðalborinn, hann er vinur konungsfjölskyldunar og hann var m.a. með Díönu prinsessu á laum. Ben var að segja mér að það væri almenn vitneskja á Englandi að hann væri faðir Harry Prins, og benti á þá staðreynd að Harry er Ginger (rauðhærður), hvorki Diana né Karl eru rauðhærð.

anyways, þá kynntist ég öllum gæjunum frá lansanum í lúx sem þarna voru og fékk ég ófá nafnspjöldin frá hinum ýmsu aðilum m.a. Olle Karlsson sem var pró á Evrópska túrnum í 10 ár og vill ólmur taka nokkra hringi með mér til að skoða sveifluna. Stefnan er að spila Aloha með öðrum svía sem er meðlimur og svo Gustafson sem er á túrnum as we speak að spila í Portúgal á mótinu með Bigga Leif. Það verður gaman að fá að prófa Aloha þar sem hann er í fantaformi því Evróputúrinn var náttúrulega þarna á mótinu um síðustu helgi.

leiter, skelli inn myndum seinna.

Speedie

Við festum settin á buggy bílinn og tókum nokkrar púttstrokur áður en við lögðum í hann á 4. brautina þar sem við áttum að hefja leik. Þegar það vantaði 10 mín. í start settumst ég og Des uppí og þrusuðum af stað. Við það þá hrundi settið hans Des af bílnum með látum og við snarstoppuðum. Des stígur út og lítur á settið sitt sem liggur þarna á jörðinni með kylfurnar hálfar út og glottir í annað.

That Speedie devil, he grinned at me earlier that bastard. I didn´t recognise it then but now I know why.

Félagi hans Des, maður að nafni Speedie hafði þá greinilega læðst að bílnum okkar og losað settið hans Des þannig að það myndi örugglega hrynja af.

I´ll get him,,,,,just you wait,,,,I´ll get that bastard.

Des Walker

Spilaði annan hringin af þremur í dag í hífandi roki (gail force) á velli sem heitir San roque. Hann minnti mig soldið á helluna nema nokkrum levelum ofar í gæðum. Ég spilaði með styrninu Des Walker sem er hress gæji. Það voru allir á djamminu í gær eftir fyrsta hringinn og greinilega allir að taka á því. Glen og Des komu heim kl 6 um morgunin og sváfu því frekar lítið fyrir hringin. Des var eldhress (lesist, enn fullur) þegar ég fyrst hitti hann en fljótlega fór að draga úr hressleikanum þegar ölið þynntist í honum.

Des spilar af 10 í fgj og spilaði þokkalega. Ég spilaði betur í dag en í gær og er loksins kominn með gott sjálfstraust með ásinn. Það var hins vegar mjög erfitt að meta vindhviðurnar í innáhöggunum sem gerði allt skor frekar mellow. Allir yfir 30 punkta voru taldar hetjur. Ég veit ekki hve mikið ég skoraði en það var tuttugu og eitthvað sennilega.

Á morgun spilum við lokahringinn á Finca Cortesín og vonandi fáum við stilltara veður.

Ég hef verið samferða niður eftir með ungum pilti að nafni Ben. Hann er enskur atvinnumaður sem heldur með Arsenal, greyið hann. Við erum ágætis kumpánar en hann keyrir reyndar soldið hratt. Á morgun er komið að mér að keyra sem betur fer. anyways.....seinni hálfleikur byrjaður í ars-Liv....síja

Nýjar myndir

Nýjar myndir