Summary

Ég er búinn að spila 6 hringi á Íslandi sem gilda til lækkunar og hækkunar í mótum.

3 hringir hafa verið á forgjöfinni (35-36-35 punktar)

1 hringur í lækkun (41 punktur)

2 hringir í hækkun þar sem aðeins einn þeirra gilti því hinn var í fárviðrinu (31-30 punktar)

Eftir stendur að ég byrjaði með 3,7 í f.gj. Lækkaði í 3,2 en hækkaði svo á laugardaginn í 3,3.

Hef unnið eitt mót (34 punktar, gilti samt ekki til hæ/læ), verið jafn í fyrsta sæti með flesta punkta í öðru móti og komið inn á besta skorinu á tveim öðrum mótum.

Framundan er mót á Selfossi á miðv og í GKG á fimmtud. Það er ekkert meira planað þangað til meistaramótið byrjar 9.júlí og svo náttúrulega íslandsmeistaramótið í eyum 24.júlí. Ég ætla að reyna þræða fleiri mót hér og þar inná milli.

Fyndinn strípalingur á góðum skóm

úr elgnum í tómatinn

Ég lenti í sæti 45-49 af 100.

Á golf.is stendur 51. sæti sem er ekki rétt þar sem tveir gæjar mættu ekki í síðari hringinn en hanga samt ennþá inni á listanum. Voilá.

Það gékk betur í dag. Spilaði ágætt golf fyrir utan tvær brautir þar sem ég fékk þrefaldan skolla. Allt útaf tveim lélegum höggum sem voru leifar gærdagsins. Á 8 holu sem er par 3 tók ég blending og snéri kúlunni til hægri í out of bounds, bem, tripple. Á 9 holu tók ég sexu í innáhöggið og snéri því til hægri í vesen, bem, tripple.

Ég var sáttastur við lokaholuna. Tók fjarkan á móti vindi, 169 metrar flengdur 2,14 metra frá stöng. Mæling og alles. Þegar nokkur holl voru eftir var ég enn næstur holu. Veit ekki hvort einhver læddist nær. Efast um það því það var kominn meiri vindur og pinninn erfiðari. Tékka á því á morgun. Verðlaunin eru út að borða á grillinu fyrir tvo. Og, já, auðvitað setti ég fuglinn niður. Hvað helduru. Ég ét svona pútt í morgunmat.

Maður fer alltaf að pæla í ef-unum og hefði-unum. Hefði ég ekki fengið þessa drasl tripple þá væri ég í 23.sæti. Hefði ég spilað eins og maður í gær, segjum nokkrum höggum betur, þá væri ég á topp tíu. DRASL. Ég veit allavegana hvað ég á inni.

Elgtanaður

Alltaf í boltanum.....

Það gékk ílla í dag. Í gær missti ég eitthvað út í sveiflunni og byrjaði að shjanka boltann eins og byrjandi. Ég reyndi að finna þetta atriði en tókst ekki í tæka tíð. Ég var því ávallt mjög nervus í öllum höggunum í dag. Það er ekki góð tilfinning að standa yfir boltanum og vita ekki hvort hann fari 50m til hægri eða 50m til vinstri. Ekkert sjálfstraust. nada. Versti golfhringur ever. ekki versta skor ever heldur golfhringur og líðan á golfhring.

Ég veit ekki hvort ég var að ýkja þyngdarflutninginn of mikið í tærnar, eða að ég stend of nálægt boltanum, eða ég rykki einhvern meigin höndunum of mikið út/inn. Sjáum til.

Ég fór beint í keili eftir hringinn og sló 300 boltum til að reyna að slá mig úr þessari vitleysu. Gekk ágætlega en það kemur betur í ljós á morgun hvort eitthvað gengur eftir.

Er núna í 63.sæti og vona að ég geti kannski bætt mig upp um 20 sæti á morgun.

Þess má geta að það var logn og sól í morgun þegar ég byrjaði, það byrjaði að blása á 8-9 holu en sólin hélt sínu striki. Fyrir vikið er ég elgtanaður í framan. Núna vantar bara að vera helköttaður.

Æfing

Fór æfingarhring á Skaganum í dag. Spilaði frekar óreglulega. Járnin voru út. Ætla í keili á eftir að koma þeim inn úr kuldanum.

Annars fer ég út á morgun kl 9:20. Þarf að vakna 06:50 og vera mættur þarna 08:20. Snemma að sofa í kvöld, ekkert múður.

Eins og sjá má á myndinni spilaði ég fyrri níu með Erni ævari. Það kom maður frá golf.is og smellti einni af okkur og fékk kvót frá Erni um ástand vallar. Þetta er núna á forsíðu www.golf.is

Bensín

Ég tók bensín um daginn, heyrðu, það kostaði fusking 10.100 kr ......O M G

í öðrum fréttum er það helst að í dag var smá frí dagur, ég fór í keili og æfði frá 10-13 svo ætla ég bara að chilla.

Æfingarsvæðið í Keili er eitt það besta í Evrópu segi ég og skrifa. Allavega á topp 15. Það er allavegana ekkert svæði á Spáni sem er jafn gott. Get ímyndað mér að Ítalía og frakkland séu svipað léleg og spánn, bara túrista orienterað og ekkert lagt í æfingarsvæðin.

Básarnir þar eru snilld, upphitað gólf þannig að ekki frjósi motturnar, upphitarar til að hita rassinn á þér, hurðir sem hægt er að opna og loka að vild til að skýla fyrir vindinum. Svo eru þeir með gras fyrir framan sem slá má af á vissum dögum (mættu vera fleiri dagar).

Vipp og pitch aðstaðan er það sem mér finnst svo bera af. Þarna er hægt að æfa allt að 100 metra högg. Þrjú stór grín til að vippa inná. Það eina sem vantar þarna er að púttgrínið sé í betra ástandi, en það er samt mjög ásættanlegt.

Ég tók þátt í miðvikudagsmótaröðinni í gær og skoraði vel. Kom inn á pari og lækkaði um 0,3. Er núna með 3,4 í fgj. Húrra fyrir mér.

Litlu pungarnir sofandi uppí sófa

María vakti litla af síðdegisblundinum og fór með hann uppí sófa. Þar dormaði hann yfir sápuóperunni hennar María.

Þetta vakti athygli mína

Skvabbi Makk Skvabbson

Ég fór æfingarhring á Akranesi í morgun og lék þokkalega. 25 pútt sem er flott, einpúttaði fyrstu 6 og samtals 11 einpútt og 7 tvípútt.

Það var ekkert official skor því ég var að prófa að skjóta frá mismunandi stöðum. Kortið sýnir einn undir par en þar má bæta kannski 4-8 höggum við. Það var frekar mikill vindur í dag en vonandi verður skárra veður um helgina. (núna er spáð rigningu)

Á morgun tek ég þátt í miðvikudagsmótaröðinni í GKG. Hvíld á fimmtudaginn svo æfingarhringur á skaganum daginn eftir svo kaupþingsmótaröðin um helgina.

að öðru. ég hef tekið eftir því að það er betra viðhorf til mín frá fólki sem ekki þekkir mig. Áður fyrr þegar ég var Mr. Skvabbi makk skvabbson þá leit fólk á mig sem þennan venjulega búttaða bankamann sem er einn af mörgum á landinu. viðbjóðslega venjulegur og fýldur. Núna þegar ég er mr. hipp og happening, mr. slim jim, mr 23,1 kíló léttari, þá einhvern vegin er viðhorfið skemmtilegra. Fólk hefur meiri áhuga á því sem ég segi. Sem er vel. ég kann því bara stórvel.

óvör n át

EINN UNDIR PARI

Í dag fór ég 18 á GKG með Pétri og Tóta (a.k.a. íslenska draumnum). Ég kom inn á -1 sem er besta skor sem ég hef skilað inn í hús, takk fyrir. Ég var ekkert að brillera né setja löng pútt ofan í, heldur var bara aldrei í veseni og upphafshöggin voru þægileg og auðveld.

Ég byrjaði á fugli og svo skolla. Var inná í tveimur á þriðju brautinni og púttaði fyrir erni en endaði bara á pari (mjög pirrandi). Svo komu þrjú pör í röð og fugl á 7.holu sem er par 5. Fékk skolla á 10. en náði honum til baka á 12. með fugli. Restina paraði ég.

fugl-skolli-par-par-par-par-fugl-par-par=-1

Skolli-par-fugl-par-par-par-par-par-par=E

Þegar fimm brautir voru eftir byrjaði ég að finna smá spennu því þá byrjaði maður að hugsa um hugsanlegt skor. Á 17 átti ég eins og hálf meters pútt fyrir pari sem ég setti í og var mjög ánægður. Svo á 18 átti ég rúmlega meters pútt fyrir pari til að ná þessu skori og var frekar stressaður. Setti það niður eins og að drekka vatn og hef sjaldan liðið jafn vel eftir golfhring.

-1 með 40 punkta og 31 pútt. 50% hittar brautir og 61,1% hitt grín.

ps. takk Sverrir fyrir að hringja í mig þegar ég var í aftursveiflunni í öðru höggi á 12.braut. Takk Perla fyrir að hringja þegar ég var nýbúinn að stilla kúlunni upp til að pútta lokapúttið á 18.gríninu og rétt áður en ég þurfti að taka upphafshöggið á 16.brautinni. hmmmm kannski maður ætti bara ekki að vera með gemsan í vasanum á silent. Allavega frekar óþægilegt að finna titringinn í miðri aftursveiflu.