Synchronized Toothbrusing (R)

Ég er frekar góður í Synchronized Toothbrushing (R). Ég er að reyna kenna Betu og skóla hana til en fram að þessu finnst mér vanta allan takt í þetta hjá stelpunni.

Synchronized Toothbrushing (R) er listin að hreyfa sig í takt við annan sem er að tannbursta sig á sama tíma og þú. Þá stendur fólk saman í speglinum, oft annar fyrir aftan hinn, og leikur sér að allskonar hreyfingum í takt. Ýmist til hliðar, upp, niður og í raun bara allt sem manni dettur í hug. Í takt.

Varúð! Aldrei reyna þetta á morgnanna. Það eru byrjendamistök. Þá er fólk sjaldnast hresst og ekki jafn líklegt til að framkvæma þetta vel.

Fínt er að bíða eftir að það kvöldi vel og allur galsi sem oft vill koma sé til staðar. Því meiri galsi í fólki, því betri verður frammistaðan. True story.

Það sem Betu vantar aðallega núna er kreatíf. Hún apar bara eftir á þessum tímapunkti. Hún þarf bara meiri æfingu og sjálfstraust til að fara í sínar eigin hreyfingar.

Þetta kemur allt saman með kalda vatninu.

Chicken on a raft

Skemmtilegasta síða internetsins?

http://www.chickenonaraft.com

Hversu lengi endist ÞÚ þarna inni!

Chuck Norris

Rappara kisur

see more Lolcats and funny pictures

BÆKURNAR KOMNAR!!!!

BÆKURNAR ERU KOMNAR!!!!

Þær komu sem sagt 20.september en ekki 13. okt eins og þeir sögðu. Ég friggin vissi það. Djöfull er ég ánægður.

Við erum að tala um bókakaup aldarinnar. 7 bækur á 16þ kjéll. Og ekkert venjulegar bækur.

Bítla Anthology bókin er massívt stór og vegleg. Svona bók sem myndi kosta lámark 6500kr hérna heima en lítur út fyrir að kosta 13þ. Svo eru tvö bindi af Elvis Presley sem eru vægast sagt þykkir doðrantar og mjög veglegir. Þvílíkt ánægður með þær.

Svo er annar massívur doðrantur um klassíska tónlist. Kom mér á óvart hve þykk og flott hún er. Fer alveg í gegnum alla söguna um klassíska tónlist. Frábært yfirgrip.

Svo eru þrjár í viðbót sem eru meira svona contemporary dæmi. Ævisaga fyrrverandi trommara Guns n Roses, Steven Adler. 28 OD´s, milljón rehabs og 3 hjartaáföll segja allt sem segja þarf. Joy.

Svo ævisaga Marilyn Manson. Skyldulesning. Mjög forvitnilegt. Ekki það að ég sé aðdáandi, heldur er ég bara forvitinn um að vita af hverju hann sé svona fokkt opp.

Svo ein í lokin eftir Chelsea Handler og hennar one night stands í gegnum árin. uuuu skyldueign allra karlmanna!

Ég er þegar hálfnaður með eina bókina. Hvaða bók?

Nú auðvitað Chelsea bókinni. Kynlíf selur!

Ricky Gervais og biblían

Mér finnst þessi gæji einn sá fyndnasti í bransanum. Hann er bestur þegar hann er bara hann sjálfur og það skín best í gegn í þessum stand up sýningum sem hann hefur gert. Fame, Politics og Animals. Mæli með að fólk tékki á þeim. 

Unspoken

Eitt af betri lögunum af Hurely, nýja Weezer disknum. Ekki missa af síðustu mínútunni. 

Weezer með nýjan disk

Er að skimma yfir nýja Weezer diskinn og mér líkar bara ágætlega.Hann heitir Hurley og er afturhvarf til eldri og betri weezer tíma.

Barnalegir og einfaldir textar meets einföld gítar riff sem einhvern vegin virka bara helvíti vel.

Þetta er engin tengiskrift, bara einfaldleikinn í fyrirrúmi og gleði.Mæli með þessum disk

dagur

Skellti mér á Kónginn hérna í Grafarholtinu og horfði á Man-Liv leikinn. Ágætur leikur en ruslaralýður á svona krám alltaf hreint. Öskrandi á skjáinn eins og fábjánar og með misvitur komment til að reyna að vekja upp kátínu hjá öðrum. Dapurt lið.

Fórum svo út í góða veðrið. Kíktum í Laugardalinn og löbbuðum þar um. Fórum svo á Kjarvalsstaði og horfðum spekingsleg á öll listaverkin.

Eftir þessa hámenningu þá urðum við að róa okkur aðeins niður og tókum púlsinn á lámenningunni á Ruby Tuesday.

Pasta Chicken Alfredos. Ekki slæmt.

Í kvöld......IRON MAN!

Popp og læti.

Sunnudagur

Sunnudagar eru fallegir dagar. Er að fylgjast með Birgi Leif á Opna Austuríska núna og horfi svo á Man-Liv á eftir.

Birgir byrjaði daginn herfilega og er +4 eftir átta holur og samtals því á -1.

En núna eru góðu holurnar eftir þannig að kannski lagast þetta.

Varðandi leikinn þá eru 0,0% væntingar þannig að allt annað en tap er bara bónus. Verandi Liverpool maður þá er maður bara kominn á þetta stig. Því miður. Vonbrigði ofan á vonbrigði.

Spurning hvar maður ætti að horfa á þennan leik?