Operación Europe

Laugardagur:

Seb, DK og ég fórum á rúntinn. Fórum á Bubbletea á laugarveginum og fengum okkur coco/banana og coco/mango. Gríðarlega ljúffengt. Mæli með því þó dýrt sé.

Röltum upp og niður L.veginn á annars köldum degi

Hápunktur: Sáum Díönu Ómel labba framhjá Íslenska reðursafninu?

Sunnudagur:

Ég og Seb fórum á fótboltaæfingu sem endranær. Nema hvað að þetta varð að klukkutíma körfuboltaæfingu og svo bíóferð allra krakkana í 7.flokki Breiðabliks. Það var farið á ,,Flóttinn frá jörðu" og mikil stemming ríkti. Vorum því okkur að óvörum heila 4 tíma á æfingu.

Við vorum sammála um að þetta hafi verið skrýtin fótboltaæfing.

Ég og Seb vorum í fóbó á ganginum seinni part dags þegar hann vildi fá dæmda aukaspyrnu (sem var bara rugl) en ég hélt áfram og skoraði. Þá fór minn maður í fýlu og reyndi að breyta reglunum þegar ég vann 5-1 (rúst). Tók það ekki í mál og þá vildi hann fara beint að sofa. Útskúfaði litla bróður sinn úr herberginu og lokaði. Ég svipti hann páskaeggi nr 2 í kjölfarið í refsingarskyni, við lítin fögnuð. Setti hann í skammakrókinn þar sem hann sat í heilar 10 mín. Þá nennti hann ekki lengur að vera í fýlu og fjörið byrjaði á ný. 

En þetta kostaði hann páskaegg nr 2 sem við ætluðum að stelast til að borða fyrir páska. Einnig sú vitneskja að ef hann púllar aftur svona vesen þá verður PS2 tekin úr notkun þann daginn. 

Svona var helgin í hnotskurn

Þvílíkur munur að vera orðinn þriggja barna faðir. Það virðist vera sirka 33.3% meira vesen en að vera bara tveggja barna faðir. Samt.......gaman

Þetta er leiðin sem við þurfum að keyra á morgnanna.

Fara frá kópavogi út í Grafarvog þar sem DK er í leikskóla. Þaðan út á Granda þar sem Sebas er í leikskóla. Þaðan út í vinnu. Svo reyndar gleymdi ég að teikna leiðina í vinnunna hennar Betu. Þannig þetta eru meira svona 35km. Eins gott að það er gaman í bílnum hjá okkur alltaf. 

Er gríðarlega ósáttur við tannbursta framleiðendur!

Þeir eru eitthvað að spila með okkur.

Fékk mér Medium tannbursta.

Ekki séns í helvíti að þetta sé medium!

Klárlega í ,,hard" katagoríunni. Samt merktur medium.

Ég fór að grennslast fyrir um ástæðuna og komst að sláandi niðurstöðu

Það er ekkert svo auðvelt að finna ,,Hard" tannbursta í dag. Svo virðist vera að framleiðendur stilli bara upp ,,medium" og ,,soft" upp í búðunum í dag.

Greinilega selst þessi ,,hard" ekkert hjá þeim.

EN..............pottþétt ódýrara að framleiða hann fyrir fyrirtækin.

Þannig sáu þau sér leik á borði og breyttu merkingunum þannig að ,,medium" varð ,,soft" og núverandi ,,medium" er þá í raun ,,hard"

Maðkur í mysunni eða óþarfa paranója?

Við skulum bíða og sjá hvert næsta útspil tannbursta framleiðenda verður.

Your move!

www.casiofatso.com

www.casiofatso.com

www.casiofatso.com

www.casiofatso.com

www.casiofatso.com

www.casiofatso.com

www.casiofatso.com