píramída svindl

see more Lolcats and funny pictures

polly

see more Lolcats and funny pictures

gkg

spilaði hring frá hvítum aftur. Þetta var daufur hringur og mikið ströggl. Átti bara eitt gott högg allan hringinn og það kom á átjándu holu. +5 var niðurstaðan sem er ótrúlegt miðað við spilamennskuna.

Ekki mikið markvert sem gerðist þennan hringinn enda bara crap.

Fór í kalda sturtu og búinn að gleyma þessu.

Næst á dagskrá eru tvö mót, eitt á laugard og hitt á sunnud. Útá skaga og svo í holtinu. Fín upphitum fyrir þessa velli því næstu stigamót verða á þessum völlum. Reyndar er Oddurinn þess inn á milli.

Finnar

Það er nú fátt um fína drætti hérna á síðunni fyrir utan golflýsingar undanfarið. Málið er bara að hér eru öngvir finnar til að pirra mig né brjálað fólk í umferðinni.

Það er bara lítið markvert sem skeður núna fyrir utan golfhringir og smá djamm sem lítið má tala um sökum höfundarréttarbrots (lesist "í ótta við að vera krumlaður af pedro og tönninni").

Allavega þá er það bara golf, þess á milli þá er það bara íbúðin. Í íbúðinni er ps3 með guitar hero og fifa09. Synd og skömm af því að ég hef nánast ekki snert það. Veit ekki af hverju. Kannski bara of töff! Les bara bækur í staðin.

Er að lesa ævisögu Bob Dylans, hún sökkar. Er líka að lesa Embracing the wide sky eftir gæjan sem kom til íslands um árið og lærði íslensku á viku. Hún er skemmtileg.

anyway....golf kl 12:10 með mömmu, ef einhver vill joina með þá er það í kay.....

Tanfoss

Fokkin gelfoss völlurinn er breyttur og nýtt mat ekki komið á kvikindið. Því get ég ekki lækkað né hækkað þar í forgjöf. Ég afskráði mig.

Tek í staðin bara hring á gkg.

Aðal bloggari Evrópu

http://www.dv.is/frettir/2009/6/2/er-harry-prins-rangt-fedradur/

Það er að koma í ljós núna það sem ég sagði fyrir tæplega einu og hálfu ári síðan.

Ég var staddur á golfmóti í boði Landsbankans í Lux þar sem mörg celeb voru á staðnum. Meðal annars James umræddi. Þar fékk ég að heyra frá bretunum að það vissu það allir að þessi maður væri faðir Harry.

Ég bloggaði það fyrstur!

Fæ ég ekki höfundarréttinn á þessu, hvernig er það eiginlega.

Hvítir

Spilaði frá hvítum á GKG í fyrsta sinn og líkaði vel. Völlurinn er flottari svona engin spurning.

Spilaði á +4 en kolranga matið á völlinn segir að ég fái bara 2 högg, það sama og frá gulum sem er út í hött. Þeir eiga pottþétt eftir að breyta þessu. Enda oft mikill munur á staðsetningu gulra og hvítra teiga.

Þetta verður sennilega 4 högg sem ég fæ á hvítum. Það væri sanngjarnt

Í dag var þetta bara solid golf. Hitti allar brautir nema eina, hitti 50% grína sem er ekki gott en var því betri í að bjarga mér.

Djöfull er fokkin skerandi kuldi alltaf hreint á þessu skeri.

vaknaður

Ákvað að taka daginn í dag í frí. Lúrði til 11:40 og bakið er ónýtt.

Er á leiðinni í lúns með petler.

Kíkti á kylfingur.is og á myndirnar frá leirunni. Ekki ein einasta mynd af mér! Þetta er skandall. Ætla að senda inn formlega kvörtun. Fallegasti maðurinn og ekki ein mynd. Hverslags fréttamennska er þetta.

Ætli maður teki ekki einn hring eða svo. Ekkert annað að gera svo sem.

Er fólk að fíla loldogs betur en lolcats?

Snillingur

Spilaði í góðu holli. Einn gæjinn var svo svalur að ég þurfti að taka mynd af honum. Hann er lengst til hægri á myndinni. Á fyrstu gjörsamlega flengdi hann upphafshöggið sitt svo að menn höfðu orð á. Hann fór meira að segja um 1 meter lengra en ég!

Svo á þriðju flengdi hann annað en það var hilarious því það fór sirka 170 metra til hægri við brautina. Slæs dauðans. Út fyrir vallarmörk sem ég vissi ekki einu sinni af. Það er hestamannastígur þarna (sem ég tók fyrst eftir núna) og þegar hann ætlaði að fara að slá sitt þriðja af teig þá hörfaði hann skyndilega frá högginu og leit á okkur alvarlegur. 

"Best að bíða eftir helvítis hestinum sem kemur þarna"

 Við erum að tala um að þetta er svo langt til hægri að ég hafði bara aldrei horft í þessa átt.

Hollið dó næstum úr hlátri.

Svo flengdi hann kúluna upp að minni. Þá datt af mér kjamminn því ég tók nefnilega gott dræv. Ég spurði hvað hann æti í morgunmat. Þá sagði hann svalur:

"tja, ég fékk mér einn magic á þeirri fyrstu"

Hollið dó aftur úr hlátri.

"já, ég er alveg kófsveittur á kálfunum eftir það" 

Það var fullt af öðrum mómentum hjá þessum snillingi en líklega svona had to be there móment.

Eitt skemmtilegt við þennan mann að þegar hann var að munda höggin sín, koma sér í stöðu og svona, þá talaði hann alltaf við sjálfan sig. Peppaði sig upp. Var að segja t.d. í púttum að holan væri svo stór, hún væri eins og sundlaug og slíkt til að hugsa jákvætt. 

Svo lifði hann sig svo mikið inn í þetta. Þegar maður kannski rétt missti pútt þá var hann svo spenntur að pútterinn hans kastaðist upp í loft. Rosa innlifun.