Plokkari og þruma

Við pungarnir stöldruðum stutt við í leikjum í þetta sinn. Við skelltum okkur út í labbitúr. Hann á þríhjólinu og ég á tveim jafnfljótum. Við löbbuðum um hverfið . Hann heimtaði að fara inn í fiskbúðina og kaupa fisk.

Ég lét stelpuna sletta smá plokkfisk í dall. Sebastian var ekki ánægður með það fyrst því fiskur fyrir honum er með sporð og slíkt. Ég útskýrði fyrir honum að þetta væri líka fiskur og henti svo rúgbrauði með í samningaviðræðuna og hann varð loks sáttur.

Núna japlar hann á þessu yfir einhverjum viðbjóði í sjónvarpinu sem á að heita barnaefni. Eitthvað í sambandi við Tótu trúð eða whatever. Mjög frumstætt. En svínvirkar.

Pétur,Bjarni,Óskar,
í mér heyrist druna.
Á seðlinum mínum var
Plokkari og þruma