Almúgur

Fyrir ofan hausinn á mér hangir dagatal. Þarna eru berrassaðir karlmenn. Mamma keypti þetta til styrktar Slökkviliði höfuðborgarsvæðisins. Pabbi var ekki ánægður að sögn.

Mér finnst þetta frábært framtak og styð þá heilshugar, þó ég hafi nú ekki keypt dagatal.

Annað flott. Ikea. Stjórnendur Ikea eru að baka smákökur fyrir fólk sem labbar í búðinni þeirra. Ég fór þarna og spjallaði við þá. Át eina smáköku og tjáði þeim hve mér fyndist þetta flott framtak.

Ég er nefnilega þeirrar skoðunar að fólk fái ekki nógu mikið hrós nú til dags. Ég reyni eftir fremsta megni að koma því til skila eins oft og ég get.

Mér finnst oft vanta slatta af tjáningu á milli fólks. Ég t.d. spjalla við fólk á bensínstöðvum og slíkt.

Ég er klárlega maður almúgans. Maður verður að sinna því líka.