Taylor Made R9

Ég var staddur í Húsgagnahöllinni og ákvað því að heimsækja Hlyn, góðvin minn og félaga. Hann vinnur í Erninum golf.

Þar sem ég var kominn þangað þá spurðist ég fregna af ásnum mínum. Mínum heittelskaða R7 ltd sem ég saknaði svo mikið. Hann átti að vera rétt ókominn frá útt landinu.

Hann fór bakvið, eitthvað að athuga hvernig staðan væri á því máli. Kemur svo sposkur út með glænýjan ás, í pakkningunni, óverðmerktur og allt. Sjóðandi, rjúkandi heitur ás.

Í þokkabót var þetta R9, nýja kynslóðin af TM ásunum.

Ég nálgaðist Hlyn og þennan pakka, svífandi í einhverju móki. Svipað og senan í waynes world þegar hann sá stratocasterinn.

Svo réttir hann mér ásinn.

Ég rétti út faðminn og tek við gripnum.

A new ERA has begun.

Hann tjáir mér að þeir hafi sent þennan frá útlöndum því R7 væri ekki lengur í gangi.

Þetta er bittersweet því ég sakna nú enn fallega R7 ltd en ég er þokkalega sáttur við að fá R9 í staðin. Það eina er skaftið, í R7 var Matrix 5.5 xCon 60s eða 65s(man það ekki) en í R9 er Fujikura Motore 65s.

Annað skaft, held nú samt að það verði ekkert mál. Ég er ekkert öðruvísi en leikmaðurinn, nokkuð basic bara. Nú, ég get þá bara fokkin stillt hausinn og skaftið á milljón mismunandi vegu til að leiðrétta það.

Þakkir fá Rabbi og Hlynur í Erninum fyrir góða þjónustu. Og bannað að væla ef ég rústa ykkur næsta sumar sökum yfirburðar nákvæmni í teighöggum.