Hissa

Pungurinn vaknaði öllum að óvörum kl 06:30 og lýsti því yfir að VIÐ BÁÐIR værum búnir að sofa. Ég var nú eitthvað ósammála þessari fullyrðingu en mótmæli mín máttu sín lítils gegn skælbrosandi engli sem var að fá í skóinn frá jólasveininum í fyrsta sinn.

Ég kynnti þetta jólasveina hoax fyrir honum og hann var frekar hissa. Hefði hann horft á næturvaktina þá hefði hann sagt ,,já sæll!". En þar sem hann sá hana ekki þá horfði hann bara á mig hissa og kinkaði kolli. Byrjaði svo bara að leika sér með bílinn og málið dautt.

Náðum samt smá lúr frá 9 til 10 og skelltum okkur svo í Ikea með ma&pa og erum nýkomin heim.