Mr. Earthquake

Það eru alltaf hræðileg mistök að gleyma að gefa Mjása að borða. Hann vekur mann upp á nóttinni sínkt og heilagt og oft tekur það mann dágóða stund að átta sig á honum. Maður hugsar ,,er kveiknað í?", ,,er tumi fastur í brunninum?" og í raun allt annað en um matinn hans Mjása.

Loks fattar maður þetta og staulast á lappir, finnur pokan og hellir hávasama matnum í skálina á meðan hann sveimar í kringum mann þakklátur.

Svo vaknar maður aftur þegar hann skríður uppí, eða öllu heldur, stekkur upp í rúm á nýjan leik og hjúfrar sig til fóta hjá Maríu. Því hann veit að Mr. Earthquake veitir honum ekki nægan frið til að sofa. Ég er nefnilega alltaf á ferðinni, hann er löngu búinn að læra það.