Coopersville

Fór út að hlaupa eftir golf æfingu, eða, tja, eftir moðafokkin LP-Bir leikinn. Ætlaði fyrst að fara 4k en áttaði mig svo á því að það væri kannski ekki gáfulegt að hlaupa tvöfalt lengra en ég farið áður kvöldið fyrir COOPERS TEST og fleiri skemmtileg fitness test.

Þannig að ég fór bara 2k og gerði svo dag 2 í hundredpushups.com í þriðja dálk. Hef bara eitt að segja, þarna á ég fullt inni. Sóknartækifæri.

Var sirka 13 mínútur með 2k en helmingurinn var reyndar á móti vindi og ágætur upphalli hjá neskirkjunni. Þannig að 2k ættu að fara á sirka rúmlega 12 mín innanhúss eins og testið verður á morgun.

Þetta coopers test er sem sagt þannig að maður á að hlaupa í 12 mínútur og tékka hvað maður nær langt. 20-29 ára eru normal ef þeir hlaupa 2200-2399 en þar sem nokkrir dagar eru í þrítugsafmælið mitt þá fell ég nú sennilega í 30-39 ára flokkinn. Þar er eðlilegt að hlaupa 1900-2299 metra.

Erum á 400 metra hlaupabraut. Þannig að 4,75 hringir ef ég er þrítugur en 5,5 hringir ef ég er 29 ára. Mun að sjálfsögðu reyna við 6 hringi.

Í grunn testinu í Boot Camp fór ég 2,3k utandyra á 12 og 50sek klukkan 6:30 um morguninn.

Sjáum hvað setur á morgun.