hroki

Starfsstúlku á bylgjunni er uppsigað við Björgvin. Hún situr fyrir honum í kaffiteríunni þegar mest er um manninn og segir stundarhátt: ,,Veistu það Bó, að það er búið að gefa út orðabók og það er mynd af þér við hliðina á orðinu hroki."

Björgvin svarar að bragði: ,,Já, og veistu hvað ég tek fyrir það?"

Tekið úr bókinni Bó og Co.

Söngvarinn situr í djúpum stól og talar inn á digital diktafón sem skrásetjari hefur fest kaup á. Til umræðu er poppstjörnutímabilið svakalega. Farsíminn hringir. Söngvarinn þagnar í miðri setningu og dregur símtækið upp úr vasanum. Þetta er ekki í fyrsta skipti. Skrásetjari hefur áður oft haft orð á því.

,,Gætirðu ekki hugsað þér að hafa slökkt á símanum meðan við tölum saman?" spyr hann. ,,Bíddu rólegur," segir söngvarinn. ,,Þetta gæti verið Paul McCartney." Og svo talar hann ´hálfa aðra klukkustund.

Tekið úr bókinni Bó og Co.