Lýsing eða Glitnir

Höfuðstöðvar Bylgjunnar á krókhálsi. Napurt í veðri. Á bæjarhellunni standa Þorgeir Ástvaldsson og Björgvin. Samstarfsmenn og vinir. Þeir norpa í garranum og reykja. Bíll ekur inn á planið. Gríðarstór jeppi af dýrustu gerð. Við stýrið situr glaðbeittur rétt liðlega tvítugur snöggklipptur maður í einkennisklæðnaði ungra viðskiptajöfra. ,,Fóstur í jakkafötum," segir Björgvin.

Maðurinn sviptir sér undan stýri, lokar og læsir með fjarstýringu og jeppinn geltir á móti honum til staðfestingar. Ungi maðurinn nálgast og býður góðan daginn. Björgvin horfir á hann, gjóar augunum að jeppanum og svo aftur á drenginn. ,,Lýsing eða Glitnir?"

Tekið úr bókinni Bó og Co.