Elvis

Björgvin er þekktur fyrir að gera sér ekki hvaða græjur sem er að góðu. Hljóðnemar eru einkar viðkvæmt mál.
Árið 1978 fer fram upptaka á skemmtiþætti í gamla upptökusal sjónvarpsins að Laugavegi. Hljóðnemarnir eru af gerðinni Sennheiser, gamlir hlunkar í laginu eins og rjómaís í brauðformi. Björgvin gerir sándtest. Honum fallast hendur og kallar á stjórnanda upptöku: ,,Tage minn, það getur vel verið að Magnús Bjarnfreðsson geti sagt fréttir í þetta en Elvis syngur ekki í íspinna."

Hljóðnemar af Sennheiser-gerðinni voru í kjölfarið aldrei kallaðir neitt annað en Bjarnfreðsson.

Tekið úr bókinni Bó og Co.