BC dauðans

Djöfull er ég búinn á því í líkamanum eftir BC MF.

Æfingin var eftirfarandi:

Upphitunarskokk með 100 hnjám og svo 100 hælum.
Svo konstant handahlauparhopp og þegar blásið var einu sinni þá 10 hnéhopp, blásið tvisvar þá 10 armbeygjur. Þess á milli handahlaupahopp. 20 umferðir.

Svo breytt í 10 situps og 10 froskahopp. 20 umferðir.

Svo skokk.

Svo kom það erfiða.

Gera armbeygjur 10 stykki. EN...þjálfarinn taldi. HÆGT. Á leiðinni niður að gólfinu taldi hann 5-4-3-2-1, svo halda niðri á meðan hann taldi 5-4-3-2-1, svo hægt upp á meðan hann taldi 5-4-3-2-1. Ef einhver klikkaði og datt niður eða gat ekki haldið eða var of fljótur upp eða niður þá taldi þessi umferð ekki. Og believe me, það gerðist oft.

Vangefið erfitt.

Svo það sama með að beygja hnéin niður þannig að maður sat á hækum sér. Beint bak og hendur krosslagðar á bringu. Nema munurinn núna var sá að stundum þegar við vorum niðri að halda þá lét hann okkur sjálf telja niður frá 30!

Svo magaæfingar. Skæri. Vinstri olnbogi snertir hægra hné á meðan vinstri fótur er ekki hærra en 5cm frá gólfi, og svo öfugt. Sæmilega hratt. Í 20 sek stanslaust og svo 10 sek pása. Í nokkrar mínútur.

Svo það sama nema með því að standa og beyjga hnéin niður þannig að maður sat á hækjum sér og með hnúa í gólfi. Lyfta rassinum stanslaust í 20 sek svo 10 sek í hvíld. Í nokkrar mínútur.

Þá var enn korter eftir.

Þá var komið að því að vera með öðrum gæja og við fengum 100 froskahopp á parið með sandpoka. Skiptast á. Það var vangefið erfitt eftir að hafa gert allt hitt.

Froskahopp eru þannig að maður stendur, hendir sér svo niður í armbeygustöðu og tekur eina armbeygju. Hoppar svo upp og actually HOPPAR pínu upp. MEÐ FOKKIN ÞUNGAN SANDPOKA FYRIR OFAN HÖFÐIÐ.