Shoot out komment

Fór og fylgdist með shoot out mótinu útá nesi. Það var ágæt skemmtun. Soldið þreytandi og löng en ágætt.

Björgvin Sigurbergs vann eftir bráðabana við Óla Lofts á níundu. Þar sem Óli vippaði í bönker en bjöggi sirka 3 mtr frá pinna.

Ég var ánægður með það. Bjöggi er algjör rokkari og á allt slíkt skilið.

Fyrstur til að detta út var Stebbi Már GR, svo Valdís GL, Signý GK, Heiðar GR, Steinn Baugur NK, Maggi Lár GKJ, Alfreð GKG, Guðmundur GS og svo Óli lofts NK.

Það sem mér fannst í raun skemmtilegast við að ganga þessar holur var að hlusta á fólkið tjá sig um höggin hjá strákunum. Merkilegt hve fólk telur sig vera instant sérfræðinga í nánast öllum hliðum golfsins án þess að hika.

Ef einhver klúðraði pútti þá voru samstundis komnar sex mismunandi skoðanir á því hvað fór úrskeiðis hjá kylfingnum. Og helst nógu hátt svo nærstaddir myndu örugglega heyra.

"þetta var niðurhallinn", "klárlega vanmetinn mótvindur" eða hið klassíska "Pjúra upplit".

Svo þegar þeir tóku upphafshöggin þá var nánast öruggt að það liði yfir allavega þrjár gamlar konur og 30% fólksins hló histerískum hlátri vegna þess að það hefur sjálft aldrei einu sinni farið jafn langt í sumarfrí og strákarnir dræva kúluna.

Ágæt skemmtun alveg hreint.

ps. það er á planinu hjá mér að vera í þessu móti eftir tvö ár.