Update

Fórum í bústað til Péturs og co á miðvikudaginn. Það var frábær tími. Slöppuðum af og spiluðum á vellinum glanna.

Síðustu nóttina fór rafmagnið skyndilega og sögur af morðóðum byssumönnum fóru á kreik. Af frumkvæði Péturs og undirritaðs. Taðs. Stelpurnar náttúrulega að pissa á sig af hræðslu.

Fórum svo á dósina á föstudeginum.

Tókum hring um kvöldið þar sem Hafsteinn, pabbi Péturs, vann soninn í höggleik í fyrsta sinn. Það var gaman að impra á því við pétur á sirka tveggja klukkutíma fresti alla helgina.

Svo var smá skrall seinna um kvöldið.

Á laugardeginum var svo tekin fjölskyldu stemming á þetta. Við röltum um slíkt. Við sáum ljótan gamlan amerískan kagga rúnta sirka 5 sinnum framhjá okkur. Við vorum ekki lengi að leggja saman tvo og tvo. Þarna var morðóði byssumaðurinn mættur.

Svo sáum við hann á röltinu á undarlegum stöðum það sem eftir var. Það tók svo botninn úr þegar hann stoppaði okkur útá götu og tók í höndina á okkur og kynnti sig. Reyndar ekki beint sem morðóða byssumanninn en ég var of hræddur og upptekinn við að míga á mig til að geta munað nafnið.

Þetta var mjög skemmtileg helgi og frábært að hafa fengið gistingu hjá Sísu og Hafsteini.