Til kötu frá sigga

Spilaði GEÐsjúkt golf í dag. Fór níu með mömmu í mýrinni.

fugl-par-fugl-par-fugl-par-fugl-fugl-skolli = -4

Á þessum tímapunkti myndi ég segja "Eigum við að RÆÐA þetta eitthvað", ef ég væri þannig manneskja sem segði það. En, ég er það ekki. SÆÆÆÆÆÆÆÆLLLLLL.

Mamma spilaði líka vel. Enda undir leiðsögn klúbbmeistarans.

Þegar ég skrifa þetta núna þá er lúðrasveit fyrir utan gluggann minn að spila hresst lag. ÉG ER EKKI AÐ DJÓKA. Oft ýki ég en ekki í þetta sinn. Held meira að segja að þetta sé mér til heiðurs.

Tók fullkomið upphafshögg á fyrstu. Átti 75mtr í stöng. Þrusu dræv. Léttur 54° og smurður 50cm við holu. Tap-in fugl.

Fullkomlega framkvæmt högg með 8 á næstu, sem er par 3, en kylfu of lítið útaf mótvindi. Rétt kylfa hefði farið í holu, línan var svo góð. Krækti fyrir fugli.

Upphafshöggið á þriðju fór upp undir grín á þessari par 4. Létt vipp með pw sem reyndar klikkaði og skildi eftir 3-4 metra en ég setti það í fyrir fugli.

Aftur fullkomlega framkvæmd átta á par 3 fjórðu braut. Hefði farið í ef ég hefði tekið sjöu. Krækti fyrir fugli.

Upphafshöggið á lúpínu par 5 brautinni hræðilegu var fullkomið. Fallegt drag til vinstri meðfram brautinni. Átti 165mtr í stöng og sló fullkomna 6. Örninn kíkti en tap-in fugl.

Ákvað að hamra bara ásnum á næstu sem er snúin par 4. Enda að spila fearless golf. Kúlan daðraði við vatnið en slapp. Fínt annað högg og auðvelt par.

Næsta par 4 var í mótvindi en ég fór samt auðveldlega yfir vatnið. Næst var það fullkomin sexa í mótvindi sem fór yfir pinnan. Setti langt pútt í fyrir fugli.

Áttunda brautin bauð uppá enn eitt fullkomið upphafshögg á 100 mtr hælinn. Næsta högg var fullkomlega framkvæmt en kylfu of stutt. Setti samt risa-risa pútt oní fyrir fugli.

Þarna var ég -5 og í góðum gír.

Eina lélega högg dagsins kom með sexu. Lak í bönker vinstra megin við grín. Sleikti pinnan í glompuhögginu en fór aðeins yfir grínið í erfiða legu. Tryggði samt þokkalega með pw og verðskuldaður skolli til að draga mann aðeins niður á jörðina.

Athugasemdir

[Kata (IP-tala skráð) 5.6.2009 kl. 08:01]

he he gódur meira svona