dasgelbe

Var ég búinn að minnast á bílinn minn?

Ég fékk brúnan volvo lánaðan frá Bjarna mági mínum. Þetta er 94 módelið, keyrður 250þ kmtr en í topp standi. Bíll með reynslu eins og auglýsingin myndi segja.

Fyrir utan nokkur ljós í mælaborðinu sem einhverra hluta blikka stöðugt þó ég gefi þeim íllt auga.

Það er ekki spilari í bílnum en ég hlusta bara á x-ið sem er ferskur andvari í tilveruna miðað við útvarpsrásirnar á spáni. Þar geturu valið á milli crap eða crap-it-í-crap.

Bíllinn er algjör sleði. Rennireið dauðans. Ég var búinn að keyra í hálftíma út í keflavík þegar það byrjaði að stíga þessi myndarlegi reykur upp úr húddinu. Ég gaf þá bara í til að fá smá vindkælingu á þetta. Kannski að reykurinn hafi eitthvað með þessi blikkandi ljós að gera. I guess we´ll never know.

Svo þarf maður að plana það vel fyrirfram ef maður ætlar að bremsa. Það hökktir allt og hristist nefnilega og maður fær hálfpartinn á tilfinninguna að bíllinn sé uþb að stökkbreytast í transformer kall við hverja bremsingu.

Ég myndi ekki vilja skipta á bíl fyri fimmaura. Ég fíla mig á honum. Soldið amerikanó, soldið white trash, sem passar fínt við derhúfurnar mínar og mitt almenna attitjúd.

ps reyndar ætlar bjarni kannsi að láta mig fá mercedes í staðin. Sjáum til.