Hamstur

María og Sebas dömpuðu mér á Lauro Golf kl 07:55 í morgun. þar dúsaði ég til kl 19 í mesta sólskini ever. Besti dagurinn hingað til, logn og brjálaður hiti og sól. Sem þýðir bara eitt.......bóndabrúnka dauðans.

Æfði til 10:45 og fór þá 18 með Gabriel, Graham og Antonio, vini Graham.

Ég vann af þeim 10 evrur. Sökkers. Spiluðum Medal og ég kom inn á +2. Solid spilamennska, eitthvað annað en Gabbe sem hefur ekkert spilað að ráði síðustu 6 mánuði. Hann kom inn á +17!

Sem er skrýtið því góðu höggin hans er rosaleg. Hann átti tvö drive í dag yfir 300 metra. Hann slær 200 metra með fimmu. Gífurlegur kraftur í honum. En því hann er í svo lélegu formi að góðu höggin eru few and far between. Hann byrjaði t.d. á fimbúl,par,tribble,par o.s.f.e.götunum. Sem er náttúrulega fáránlegt og óafsakanlegt.

Þar sem við kláruðum þetta kl 15 þá ákváðum við Gabbe að taka nokkrar holur í viðbót. Tókum 10 stykki þar sem ég endaði á fugli. Mun ekkert spila meira hérna á spáni fyrir brottför og því flott að enda á fugli.