wífí

Keppinn tengdur loksins. Gamli var þá með wifi eftir allt saman. Ekki að spurja aððí.

Við fórum í júró partí í gær og sáum ísland enda ofar en við héldum og spán gjörsamlega niðurlægð með næst neðsta sætinu.

Fólk hérna hélt virkilega, eins og íslendingar flaska oft á, að Soraya og spænska liðið myndi keppa um sigurinn.

Allir eru þvílíkt vonsviknir hérna og þetta mun pottþétt enda hennar söngferil.

Hér í húsinu er þetta náttúrulega ekki rætt þar sem það kæmi ílla út fyrir los antonios. Þau eru bara þannig. Það sama með að real tapaði í gær og barca urðu spánarmeistarar. Ekki orð um það og los antonios forðast mig í þeirri von um að sleppa við öll slík málefni.

Þau eru soldið spes.

Eftir að júróvision lauk þá var singstar tekinn upp og við kepptum fram til 3 um nóttu. Í blokkarhverfi með opinn glugga. Ég spurði hvort þetta væri í gúdderað af nágrönnunum og þau bara, "hmmm ég veit ekki, hafði bara ekkert pælt í því" og fór svo og náði í snakkið. Dæmigerður spánverji, hugsar ekkert um aðra.

Mér var því alveg sama, þau um það.

Vorum sem sagt hjá vinafólki okkar og needless to say þá rústuðum við þeim. Þau voða brött því þetta var þeirra leikur og við ekkert að flagga því að við áttum svona líka. BEM. algjört rúst. Leikar enduðu 14-0 okkur í vil. Þau unnu ekki einu sinni. Og vildu svo ekkert sérstaklega tala um það (hmmm ætli tengdó séu víst ekki ein um að vera svona spes).

Spánverjinn! Kapitúli útaf fyrir sig.

Athugasemdir

[pabbi (IP-tala skráð) 17.5.2009 kl. 09:01]

Sæll drengur minn sakna þess að hafa ekki skypið