form

Það er alveg á kristaltæru að síðan ég gékk úr La Cala klúbbnum og þ.a.l. spila ekki jafn mikið, hefur formið hrakað mjög.

Þá meina ég leikformið. Þegar ég var félagi og spilaði sirka 5-6 sinnum í viku þá var ég að leika í kringum parið. Núna spila ég bara 2 í viku en æfi því mun meira. Skorið núna er sirka 3-4 höggum lakara að meðaltali á þessum hringjum.

Þrátt fyrir mun meiri æfingar þá er bara svo mikilvægt að spila golf eins og það kemur úr kassanum. Ég er hins vegar mun betri á reinginu. Án djóks. Slæ mun fallegri högg og mun nákvæmari. Pútta betur og vippa. En þetta er ekki að skila sér nógu mikið á hringjunum.

Kannski þetta smelli einn daginn. Vonandi, en mig grunar að maður þurfi einfaldlega að spila minnst 9 holur alla daga til að vera í topp formi. Auk þess að æfa að sjálfsögðu eins og ég geri núþegar.