Pinseeker 3000

Hér á myndinni að neðan sjáiði minn kæra G5 á meðan allt lék í lyndi. Bara sekúndum eftir að ég tók þessa mynd tók ég eftir rifunni á höggflétinum.

Spilaði 27 holur á Lauro í dag með Graham. Hitaði ekki upp eins og ég geri vanalega og tók því fyrstu níu í smá upphitun. Ótrúlegt hvað maður þarf sirka 20-30 högg til að finna rythmann í sveiflunni, skjóta sig í fílíng. Finna tempóið.

Tók svo 18 á +3 þar sem ég tók Stenson á þetta og spilaði bara með tré þristinum. Prófaði reyndar 4 ásahögg sem voru rosaleg. Graham sagðist aldrei hafa séð mig slá jafn flott upphafshögg, og það með ásinn bilaðan.

Var að pútta frábærlega, engar gloríur en bara öruggur og flottur í rútínunni.

Tók einn pinseeker frá 110 metrum með Pw, hitti beint í stöngina og því miður þá endurkastaðist kúlan 10 metra til baka og af gríninu í glompu. Skolli í kjölfarið í staðin fyrir fugl. Það eru nefnilega þykkar járn stengur í holunum í staðin fyrir þessar mjóu plast stengur sem hefðu kastað kúlunni max 1 meter eða beint í holu. That´s golf.

Graham var handarbaki frá því að fara holu í höggi með blending á par 3. Hann sagðist vera nokkuð rólegur yfir því þar sem hann hefur farið núþegar 6 sinnum holu í höggi. Hann er náttúrulega bara phenomenon. Og í öll skiptin í móti og skráð.

Á morgun á ég tíma í fitting session þar sem ég verð mældur í bak og fyrir og teiknaður upp í þrívídd til að finna út hvaða ás hentar minni sveiflu.

Mun prófa Taylor Made R9TP, R7 Ltd og Burnerinn. Því miður fæst engin Ping G10 demókylfa til að prófa og engin custom fitting fyrir þá kylfu þannig að Taylor made var það heillin.

Ætla svo að reyna að finna Ping G5 þegar ég kem til Íslands til að hafa sem backup. Vonandi á einhver þannig grip vel með farin sem vill selja mér hann.