gabbarinn mikli frá kashmír

Ég skipulagði elaborate gabb fyrir Maríu og klúðraði því instantly með fyrstu setningunni með því að segja að golfið hafi vera eins og vanalega, þegar hún spurði.

Fokk.

Ætlaði að nota hola í höggi gabbið sem Pedro laumaði að mér áðan.

Þá var það plan b og ég snöggur að hugsa án þess að hún fattaði neitt. Ég naut góðs af því að þetta er ekki í umræðunni hér á Spáni.

Ég spann einhverja lame sögu um að Sergio Garcia hafi verið á æfingarsvæðinu í morgun. Hún gleypti við því ótrúlegt en satt.

Já, ég bara nonchalant og allur casual sagði að reyndar hafi verið mikið af fólki þarna og ég náði ekkert að tala við hann. Hann var samt að vippa á sama gríninu og ég var að vippa á.

Ég gjóa augunum að henni og tek eftir að hún virðist ánægð fyrir mína hönd og virkilega ekki að sjá í gegnum þetta plott.

Jú jú, ég nálgaðist hann ekkert en var svo heppinn að vingast við umboðsmanninn hans sem fékk númerið mitt. Hann veit núna mína forsögu og hafði áhuga á ævintýri the icemans.

María var enn ekki að fatta þetta. Ég var orðinn svo sigurreifur að ég bara trúði þessu ekki. Ég að gabba gabbarann mikla frá kashmír. Djöfull hlakkaði í mér. I WILL TRIUMPH.

Svo gat ég ekki haldið fésinu lengur og spurði hana hvort hún vissi virkilega ekki hvaða dagur væri í dag. Hún tjáði mér að það vissi hún vel, en fannst bara svo sætt hvað ég væri glaður með þetta litla gabb mitt og vildi ekki eyðileggja gleði mína sem skein, greinilega of áberandi, úr andliti mínu.

SARGASTI DURGUR