Heima

Við vorum heima í morgun, ég og pungurinn. Það er rigning úti og litli slappur þannig að þetta var gráupplagt.

Ekkert að frétta héðan svo sum. Ég er líka soldið slappur, drengstaulinn smitar mig alltaf með en aldrei Maríu. Þetta kemur náttúrulega upprunalega frá fokkin leikskólanum.

Er bara að vona að ég verði orðinn góður eftir 1-2 daga. Nenni ekki að detta eitthvað niður í formi.

Næst á dagskrá er stórt mót þann 11.mars á Alcaidesa sem er rétt hjá Gibraltar. Ég fór í þetta mót í fyrra og hafði gaman af. Þetta er pjúra linksari en í ár spilum við reyndar hinn völlinn þarna sem heitir Heathland. Þetta er 6373 metra völlur sem opnaði árið 2007.

Í ár er þetta allt veglegra. Núna eru þetta 4 dagar og skorið eftir 3. Svo er líka einn æfingarhringur. Núna er þetta oficial opið spænskt mót og þetta verður mun sterkara mót en í fyrra. Á von á því að rétt skríða inn með mína forgjöf.