Belga

Fór og púttaði í morgun í smá rigningar slettu. Svo mættu Gabriel og Nick á svæðið. Nick þessi er belgískur frakki sem æfir vanalega í Dubai. Hann er alger krakki og gerir allt til að vera kúl. Þess vegna fíla ég hann ekki og gjörsamlega ignora hann.

Hann var að monta sig soldið í morgun (réttilega) því hann er kominn með tvo styrktaraðila sem borguðu honum 25þ€ ásamt nýju setti, fullt af Titleist kúlum, fatnaði og síðast en ekki síst, fullt af wedge-um. Wedgarnir eru vegna þess að hann er svo mikill töffari (að hann heldur) að ef hann er eitthvað að vippa ílla þá stútar hann wedgunum. Spliffar þá í tvennt. Úúúúú....krakki.

Hann segist vera að æfa og spila með Paul Casey, Henrik Stenson og fleiri stjörnum sem spila bæði á Evrópska túrnum og þeim Ameríska.

Anyway

Útaf því að ég ignora hann þá að sjálfsögðu laðast hann ósjálfrátt meira að mér. Vill sýna sig. Hann var að fylgjast með mér pútta og þar sem ég hef ekki enn fundið stöðuna mína einu réttu þar sem mér finnst ég vera solid yfir boltanum þá bað ég hann um ráð.

Hann helgaði öllum morgninum í að sýna mér hitt og þetta. Nokkrar æfingar og svo ráðlagði mér með stöðuna mína. Ég í fyrstu tók ekkert mikið mark á þessu en svo bara fann ég hvernig ég varð mun stabílli yfir boltanum. Leið miklu betur í þessari nýju stöðu yfir kúlunni og bara mjög sáttur við það sem hann var að segja mér.

Það sem ég breyti er eftirfarandi:

1. Stend nær kúlunni svo að pútterhausinn standi loks rétt á grasinu, táin stendur því ekki lengur upp í loftið. Þetta réttir hausinn af og það sem er mikilvægara að núna eru augun á mér beint fyrir ofan kúluna og ég sé línuna betur.
2. Svo færi ég kúluna nær miðju í stað þess að hafa hana nálægt vinstri hæl. Var farinn að ýkja þetta með að hafa boltann undir vinstra auganu og kúlan því komin allt of langt til vinstri þannig að líkaminn var allur of mikið til hægri. Var hallandi nánast eins og með ásinn. Hendurnar á mér voru til hægri við púttershausinn. Fáránlegt þegar hann sýndi mér fram á þetta. Hefði ég vitað þetta þá hefði ég umsvifalaust breytt þessu.

Mjög sáttur við þetta.

ps. þess má geta að ég hef einu sinni spilað við hann og ég vann. En ekki hvað........SÆK

Athugasemdir

[Pétur (IP-tala skráð) 2.3.2009 kl. 15:26]

Rétt hjá þér, hann er alveg óþolandi að eyða heilum morgni í að kenna þér.

[Sigursteinn Ingvar Rúnarsson, 2.3.2009 kl. 15:33]

hvernig tilfinning er að vera tíaður upp......SÆK

[Pétur (IP-tala skráð) 2.3.2009 kl. 17:34]

wtf is SÆK, í hvaða merkingu, Basketball?

[Sigursteinn Ingvar Rúnarsson, 2.3.2009 kl. 18:31]

psyche, erfitt að útskýra þetta án þess að heyra orðið. Meiningin felst í hljóðinu.

Mun taka það upp og setja það í djúkarann fyrir þig. tékkaðu á því í kvöld