Planið

Planið hjá mér núna fram í maí er eftirfarandi:

Mót einu sinni í viku á La Cala á þriðjudögum.
Mót einu sinni í viku á Lauro Golf á laugardögum.

Einn æfingarhringur á viku, oftast á Lauro golf.

Reinsið á morgnanna í 3 tíma. Reinsið og stutta spilið síðdegis í 3 tíma.

Mikið reins því ég þarf að leggja áherslu á sveifluna í augnablikinu. Annars að öllu jöfnu ætti stutta spilið að vera 65%-70% af æfingarplaninu.

Svo fiska ég upp stór og flott mót víðsvegar á Spáni.

26-28 Janúar er Campeónato de Málaga á El Parador vellinum. Huge mót á einum elsta velli Spánar. Mjög virtur völlur sem ég hef spilað einu sinni. Fyrsti dagurinn er handicap medal (allir eiga möguleika), svo hina tvo er scratch mót þar sem allir bestu golfararnir mæta á svæðið. Tók þennan fyrsta dag með svona til að hita upp fyrir síðari dagana sem er alvöru.

5-8 feb er Campeónato de Barcelona á El Prat vellinum nálægt Barcelona. Fjögurra daga risamót með æfingarhring þann fjórða feb. Það verður köttað eftir þrjá daga. Þarna eru gæjar með plús 2-3 í fgj. að keppa á einum virtasta velli Spánar. Þetta verður algjör pakki fyrir mig þar sem það tekur 8 tíma að keyra þangað og svo hótel í 5 daga. Mótið kostar bara 75€ sem er snilld fyrir 5 hringi á þessum úber velli. Verður kannski 550€ í heildina, en bara 350€ ef Gabriel kemur með og splittar hótel-og bensín kostnaði.

Ef ég vinn þessi mót þá mun ég láta skrá mig í símaskránni sem MálagaMeistarinn eða Meistari Barcelona. Djöfull verð ég óþolandi þá, alltaf þegar ég keyri um götur Málaga þá verð ég með glott á fésinu því þar keyrir Meistari ykkar góðir þegnar. Ef einhver brúkar kjaft, þá bara minni ég hann á að hann sé að tala við Meistara sinn.