Mót

Fór í mót í morgun á Lauro Golf í blússandi vindi og æpukulda. Stórir vöðvar í líkamanum voru flestir helaðir og því vantaði soldið uppá mýktina í sveiflunni.

Endaði þessi ósköp á +6 sem voru kannski um 4 höggum of mikið fannst mér. Hækka um 0.1 sennilega, ef þetta þá gildir til hækkunar. Fer í 2,6

Ein brautin var heldur skrautleg. Par 4 um 320 metrar, tók blending af teig því brautin er þvengmjó og stutt. Sköllaði boltann 100 metra áfram. Tók því aftur blendinginn og ætlaði að bjarga pari. Sný kúlunni til hægri, höggin verða vart ljótari en sloppí fade going nowhere, fast. Boltinn stefndi á tréin og OB var nokkrum metrum til hliðar. Vúps.
Heyrðu, kvikindið skoppaði skringilega á buggy path og stefndi endanlega í out of bounds. Nei, nei, minn endurkastast af golfbíl sem þarna var staddur og endar 10 metrum hægra megin við grínið, pinhigh, og pinninn var meter frá grínkanti.

Ég átti því erfitt þriðja högg fyrir höndum þar sem að ég tók 60° og lobbaði boltanum eins og phili mikk beint uppí loftið því lítið sem ekkert grín var til að vinna með. Það tókst og ég vippaði ofaní fyrir óverðskulduðum fugli.

Tvö viðbjóðsleg högg og eitt þrusu skiluðu fugli. Þetta er ekkert flókið.

Fátt annað markvert gerðist nema hvað að ég var í ströggli með ásinn og 60° allan hringinn.