Hundar

Það var bankað uppá hjá okkur við kvöldmatarleytið og einhver kona stóð í dyragættinni. Hún talaði við okkur á ensku og var að kvarta yfir þessum hundum sem gelta non stop hjá nágrannanum okkar að neðan. Hún sagðist hafa skilið eftir miða á ensku fyrir hann en við tjáðum henni að þetta væru spanjólar sem skildu enga ensku.

Eftir því sem hún talaði meiri ensku tók ég eftir því að hún var skandinavísk. Ekki dönsk því það er bara viðbjóður að heyra þá tala ensku og mjöööög auðþekkjanlegt. Hún var ekki syngjandi þannig að ekki var hún Svíi en hún gæti hafa verið norsk eða íslensk. Ég spurði hana því hvort hún væri íslensk sem hún svaraði að sjálfsögðu játandi og mikið var hlegið og mikið trallað.

Kemur á daginn að þau eiga íbúð sem við sjáum frá svölunum okkar því hún snýr að okkur. Er í sirka 100 metra fjarlægð og við getum actually talast saman frá svölunum. Hún kom aðeins inn til okkur og við spjölluðum saman um daginn og veginn. Vinkuðum svo manninum hennar af svölunum.

Þau eru frá Garðabæ og heita Kristín og Kristján Kristjáns. Koma hingað 3-4 sinnum á ári og spila golf. Ætlum að spila saman á miðv. eða fimmtudaginn.

Sniðugt.

Athugasemdir

[Kári Tryggvason, 21.10.2008 kl. 15:29]

Þetta er sniðugt. En annað sem er sniðugt. Þú segir að það hafi verið bankað uppá hjá ykkur við kvöldmatarleytið. Ertu orðin svona spænskur. Ég hefði sagt um kvöldmatarleytið :) elspanjóló :) :) :)

[Sigursteinn Ingvar Rúnarsson, 21.10.2008 kl. 15:35]

Veistu, að ég á í miklum erfiðleikum með að skrifa íslenskuna núna. Oft skrifa ég nokkrar málsgreinar og þarf svo að stoppa og henda út 10 orðum. Aðalega smáatriði eins og ofangreint. Eitt n eða tvö, við, um, á, í.

It´s killing me.

Það hefur svo sannarlega mikil áhrif á móðurmálið að tala það lítið sem ekkert. Ég og María tölum 90% saman á spænsku og á vellinum er það 90% enska, 10% spænska.

[Kári Tryggvason, 22.10.2008 kl. 11:10]

Eru þið ekki með íslenskann dag eða daga, þar sem bara er töluð íslenska :) svona til að halda móðurmálinu við :). Ástandið er ekki svo skítt að það sé þörf á að henda því líka, ha. ha. ha.....

[Sigursteinn Ingvar Rúnarsson, 22.10.2008 kl. 13:26]

höfum reynt það en þar sem við kynntumst talandi spænsku þá er mjög erfitt að breyta því. Ég tala náttúrulega íslensku við Sebas og svo við sjálfan mig og köttinn.......;s