kick ass rútína

Ég spilaði Ameríku völlinn áðan og notaði rútínuna við hvert högg. Skemmst er frá því að segja að þetta svínvirkar.

Tvennt gerist. Ég hitti allar brautir nema eina og hitti fleiri grín í réttum höggafjölda (GIR).

Ég hitti 8 af 9 grínum á fyrri níu og svo tók ég smá pásu á seinni og hitti ekki grín 11 til 15 en hin hitti ég. Þessi 6 grín sem ég hitti ekki skramblaði ég 4 (eitt vipp og eitt pútt fyrir pari) þannig að ég fékk bara tvo skolla.

Tveir skollar og þrír fuglar sem gerir hring uppá -1 og samtals 38 punkta. Mjög solid hringur með fáum mistökum en fáum magic mómentum því miður. Tvípúttaði 12 grín og einpúttaði rest. Þessi tvípútt þurfa að fækka til að maður skori almennilega.

Sem sagt, var miklu mun meira einbeittur með þessari grip/haus/staða rútínu.

Fer í mót á morgun og verður fróðlegt að sjá hvort ég get haldið einbeitingunni. Það verður erfiðara því ég spila í fjögurra manna holli og við förum síðastir út. Verður langur dagur.