Zimbabwe

Spilaði í móti og kom inn á 38 punktum sem var sennilega besta skorið. Endaði á +1 eftir að vera á +4 eftir þrjár fyrstu brautirnar. Setti bara smá hörku í þetta og klóraði mig til baka. Var á +3 eftir fyrri níu og svo -2 á seinni níu. Átti tvö arnarpútt sem kræktu og fleira í þeim dúr, ánægður með allt nema hvað að púttin hefðu mátt vera soldið ákveðnari. Þar sem ég hef æft núna á töluvert hraðari grínum þá endaði ég um 40 cm of stuttur í ca 4 fuglapúttum.

Spilaði með Wayne Hollywood og peter frá Zimbabwe og Patrick frá Írlandi. Tveir síðarnefndu spiluðu á móti mér og Wayne með smá veðmál undir. 5€+5€+10€. Við rústuðum þeim og átti ég að fá 22€ í laun fyrir það en þar sem sigurvegarinn þarf alltaf að blæða drykkina þá pössuðu þeir sig á því að panta ekki bara drykki heldur franskar og kaffi. Ég endaði á því að fá bara 5€ sem er rugl.

Peter og Patrick eru heldri menn en hörkunaglar sem beittu öllum ráðum. Stóðu of nálægt manni þegar maður átti að gera, hóstuðu og voru með allskonar óviðeigandi komment á vel völdum tímum. Þetta truflaði Wayne en ekki mig þar sem ég er vanur svona trufli frá allskonar fólki. Reyndar hafði ég mjög gaman af þessu og þetta gerði það bara að verkum að ég spýtti í lófana þegar á þurfti.

Ætti því að vera kominn í 2.8 núna. Ég skilaði inn vottorði frá GKG um að ég væri með 3 á íslandi til þess að samhæfa spænsku forgjöfina við þá íslensku. Ég sé að ég er enn með 3.6 hérna á spáni þannig að það gæti verið að þeir lækki mig úr 3.6 í 3.4 og svo kikkar vottorðið inn og ég fari bara í 3. Sem er náttúrulega svindl. Ég er búinn að lækka núna um 0.4 síðan ég kom til baka og ætti að vera með 2.6, en við sjáum til hvað gerist. Ég mun mótmæla ef ég verð bara með 3 eftir nokkra daga.

Athugasemdir

[Binni Bjarka (IP-tala skráð) 26.8.2008 kl. 20:36]

Helvíti fínt blogg hjá þér, þó mig gruni reyndar að anti-golfarar hafi lítt gaman af þessu.

Frábært að sjá metnaðinn hjá þér og augljóst að þú ert að bæta þig helling.

[Sigursteinn Ingvar Rúnarsson, 27.8.2008 kl. 02:28]

Takk fyrir það, hvernig er þetta Binni ertu búinn að leggja kúlurnar á hilluna? engin k-mótaröð hjá þér?

[Binni Bjarka (IP-tala skráð) 27.8.2008 kl. 13:23]

Ahhh mig vantar metnað og talent. Ekki góð samblanda. Tek nokkra hringi á ári plús 2-3 mót. 

Langar samt að komast niður í 2 í fgj. Kannski næsta sumar. Þá kannski tökum við einn hring? Örugglega 14-15 ár síðan við fórum síðast.

[Sigursteinn Ingvar Rúnarsson, 27.8.2008 kl. 13:57]

Pottþétt, ég man síðast þegar ég spilaði með þér að strategían hjá þér var ávallt að taka 3 járn og pöncha boltann meðfram veginum á annari brautinni á dósinni. Varst aldrei langt frá gríninu ;)