tja,hvað skal segja

Ég fór úr límingunum við að horfa á þennan leik á netinu. Ótrúlega spennandi og skemmtilegur leikur. EN það er eitt sem truflar mig soldið.

Íslendingar voru ekkert að leika neinn gæða handbolta. Það tala allir um að við höfum verið að leika glimrandi vel. Mér fannst við leika mistækan, sæmilegan handbolta. Málið er bara að svíarnir voru svo arfaslakir að við náðum að merja sigurinn.

Ekki finnst mér neitt afrek útaf fyrir sig að vinna þetta svía lið þegar það er í svona ástandi. Ég meina, frábært afrek að komast til Peking en við þurfum að bæta leik okkar til muna ef við eigum að eiga eitthvað erindi á olíumpíuleikana.

„Sænskir pappakassar“

Athugasemdir

[Kári Tryggvason, 2.6.2008 kl. 10:01]

Þú ert nú bara rugludallur :)

Við vorum að leika alveg fanta góða vörn. Héldum þeim alveg nirði, spilamenskan okkar gerði þá lélega og það er góður bolti. Markmaðurinn þeirra var að verja vel en okkar bara betur. Þú hefur ekkert vit á handbolta ! :)

[Sigursteinn Ingvar Rúnarsson, 2.6.2008 kl. 10:55]

hehe, kannski var þessi færsla með smá neikvæðnis glimmeri. Mér fannst svíarnir bara svo hrútlélegir að við eigum ekkert að vera að mikla þetta afrek að vinna þá. En jújú, ég hef ekki séð svona íslenska markvörslu síðan Einar þorvarðar var og hét. Það er vel.

Ég meina, snorri þurfti nánast að borga sig inn á völlinn hann var svo fjarverandi, Guðjón Valur átti 3 mínútu kafla, Pettersen var slakur. Óli Stef heimspekingur vill bara stökkva jafn hátt og hestur (skv. handbolti.is).

Heyrðu, þú skalt bara vita það að ég var stórskytta með Hvöt á Blönduósi í denn, þannig að ég veit alveg hvað ég syng....Ehem.

[Kári Tryggvason, 3.6.2008 kl. 10:06]

Voru ekki frakkar líka lélegir þegar við unnum þá á sínum tíma. Andstæðingurinn er ekki betri en þú leyfir honum að vera :)

[Sigursteinn Ingvar Rúnarsson, 3.6.2008 kl. 10:48]

Jú, ætli það ekki.